ທ່ານ ຫວາງອີ້: ການກໍ່ສ້າງປະຊາຄົມຮ່ວມຊາຕາກໍາປະເທດແມ່ນໍ້າລ້ານຊ້າງ-ແມ່ນໍ້າຂອງໄດ້ກ້າວເຂົ້າສູ່ລວງ ເລິກ ແລະ ປະສົບຜົນສໍາເລັດຕົວຈິງ

ໃນວັນທີ 16 ສິງຫາ 2024 ທີ່ຜ່ານມາ, ທ່ານ ຫວາງອີ້ ລັດຖະມົນຕີ ກະຊວງການຕ່າງປະເທດ ສປ ຈີນໄດ້ເປັນປະທານ ກອງປະຊຸມລັດຖະມົນຕີ ຕ່າງປະເທດ ຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ ຄັ້ງທີ Ⅸ ທີ່ ຊຽງໃໝ່ ປະເທດໄທ ໂດຍໄດ້ກ່າວສະຫຼຸບຄວາມຄືບໜ້າອັນຕັ້ງໜ້າ ໃນການກໍ່ສ້າງປະຊາຄົມຮ່ວມຊາຕາກໍາປະເທດແມ່ນໍ້າລ້ານຊ້າງ-ແມ່ນໍ້າຂອງ.

ໜຶ່ງ, ສືບຕໍ່ຜັນຂະຫຍາຍຄວາມຮັບຮູ້ເປັນເອກະພາບກັນທາງດ້ານການເມືອງ ກ່ຽວກັບປະຊາຄົມຮ່ວມຊາຕາກໍາໃຫ້ໜັກແໜ້ນ, ການນໍາລະດັບສູງຂອງ ປະເທດຈີນ ກັບ ບັນດາປະເທດລຽບຕາມແມ່ນໍ້າຂອງ ມີການໄປມາຫາສູ່ກັນເລື້ອຍໆ, ເລັ່ງລັດການເຊື່ອມໂຍງ ຍຸດທະສາດການພັດທະນາປະເທດ, ຕັ້ງໜ້າປະຕິບັດຂໍ້ລິເລີ່ມວ່າດ້ວຍການພັດທະນາທົ່ວໂລກ, ຂໍ້ລິເລີ່ມວ່າດ້ວຍຄວາມໝັ້ນຄົງທົ່ວໂລກ ແລະ ຂໍ້ລິເລີ່ມວ່າດ້ວຍອະລິຍະທໍາທົ່ວໂລກ ທີ່ ໄດ້ສະເໜີອອກໂດຍທ່ານ ປະທານປະເທດ ສີຈີ້ນຜິງ.

ສອງ, ປັບປຸງຕາໜ່າງການເຊື່ອມໂຍງເຊື່ອມຈອດຂອງປະຊາຄົມຮ່ວມຊາຕາກໍາໃຫ້ສົມບູນຂຶ້ນ. ພາຍຫຼັງໄດ້ເປີດນໍາໃຊ້ເປັນ 2 ປີ ເຄິ່ງເປັນຕົ້ນມາ ເສັ້ນທາງລົດໄຟລາວ-ຈີນນັບມື້ມີບົດບາດຫຼາຍຂຶ້ນ ເຊິ່ງໄດ້ຂົນສົ່ງຜູ້ໂດຍສານຫຼາຍກວ່າ 34 ລ້ານກວ່າເທື່ອຄົນ, ຂົນສົ່ງສິນຄ້າໄດ້ຫຼາຍກວ່າ 40 ລ້ານກວ່າໂຕນ. ຮູບແບບການແລ່ນລົດໄຟແບບເຊື່ອມຈອດກັນລະຫວ່າງ“ເສັ້ນທາງລົດໄຟຄວາມໄວສູງແມ່ນໍ້າລ້ານຊ້າງ-ແມ່ນໍ້າຂອງ ກັບ ຂະບວນລົດໄຟ ຈີນ-ເອີລົບ ແລະ ຂະບວນອື່ນໆ ກໍາລັງດໍາເນີນໄປດ້ວຍຄວາມລາບລື່ນ, ການພັດທະນາເຊື່ອງໂຍງກັນລະຫວ່າງຈີນ, ລາວ ແລະ ໄທ, ເສັ້ນທາງລົດໄຟລຽບຊາຍແດນ ຈີນ-ຫວຽດນາມ, ຊ່ອງທາງໃໝ່ທາງດ້ານການຄ້າທາງບົກ ແລະ ທາງທະເລສາກົນດໍາເນີນໄປດ້ວຍຄວາມໜັກແໜ້ນ, ສະພາບການການເຊື່ອງໂຍງເຊື່ອມຈອດແບບກວມລວມທາງບົກ, ທາງນໍ້າ, ທາງອາກາດ ແລະ ທາງໄຟຟ້າ ໂດຍຜ່ານເສັ້ນທາງຂ້າມແດນແມ່ນໍ້າລ້ານຊ້າງ-ແມ່ນໍ້າຂອງ, ທ່າກໍາປັ່ນ, ສະໜາມບິນ, ພະລັງງານໄຟຟ້າ ໄດ້ເປັນຮູບເປັນຮ່າງຂຶ້ນໂດຍພື້ນຖານ.

ສາມ, ຕັ້ງໜ້າກໍ່ສ້າງແຮງຂັບເຄື່ອນແບບປະດິດສ້າງໃໝ່ຂອງປະຊາຄົມຮ່ວມຊາຕາກໍາ. ການກໍ່ສ້າງເວທີເພື່ອຮ່ວມມືຕາມແລວທາງການປະດິດສ້າງໃໝ່ແມ່ນໍ້າລ້ານຊ້າງ-ແມ່ນໍ້າຂອງໄດ້ຮັບການເລັ່ງລັດໄວຂຶ້ນ, ອາດຈະສໍາເລັດໄດ້ພາຍໃນປີນີ້ ເຊິ່ງຈະເສີມສ້າງແຮງຂັບເຄື່ອນໃໝ່ໃຫ້ແກ່ການຫຼຸດຜ່ອນຄວາມທຸກຍາກຜ່ານການພັດທະນາຂະແໜງການວິທະຍາສາດເຕັກໂນໂລຊີ, ການປະດິດສ້າງໃໝ່ຂອງຂະແໜງອຸດສາຫະກໍາ ແລະ ເສດຖະກິດດີຈີດອນຂອງພາກພື້ນ. ຝ່າຍຈີນກໍາລັງເປັນເຈົ້າການໃນການສ້າງຄັງຊັບພະຍາກອນຫຼັກສູດເພື່ອຍົກສູງທັກສະວິຊາຊີບໃໝ່ ສໍາລັບພາກພື້ນແມ່ນໍ້າລ້ານຊ້າງ-ແມ່ນໍ້າຂອງ ເພື່ອສ້າງສິ່ງຄໍ້າປະກັນໃຫ້ແກ່ການພັດທະນາຮູບແບບໃໝ່ ແລະເຕັກນິກໃໝ່ໃນພາກພື້ນ.

ສີ່, ສຸມແຮງກໍ່ສ້າງຂົວຕໍ່ຄວາມເຂົ້າອົກເຂົ້າໃຈກັນລະຫວ່າງປະຊາຊົນຂອງປະຊາຄົມຮ່ວມຊາຕາກໍາ. ນັບແຕ່ປີນີ້ເປັນຕົ້ນມາ, ປະເທດຈີນກັບປະເທດໄທ ແລະ ປະເທດລາວ ໄດ້ປະຕິບັດນະໂຍບາຍຍົກເວັ້ນວິຊ່າເຊິ່ງກັນແລະກັນເປັນລໍາດັບ, ໃນປີແລກປ່ຽນທາງດ້ານວັດທະນະທໍາ-ສັງຄົມລະຫວ່າງ ປະເທດຈີນ-ປະເທດກໍາປູເຈຍ ໄດ້ດຳເນີນໄປຢ່າງສະດວກດີ, ເຊິ່ງເຮັດໃຫ້ປະຊາຊົນ 6 ປະເທດໄດ້ໄປມາຫາສູ່ກັນ ເໝືອນດັ່ງພີ່ນ້ອງແວ່ຢາມກັນເປັນປະຈໍາ.