ການລາດຕະເວນປະຕິບັດກົດໝາຍຮ່ວມຕາມລຳແມ່ນ້ຳຂອງ ຈີນ-ລາວ-ມຽນມາ-ໄທ ຄັ້ງທີ 144 ສິ້ນສຸດລົງຢ່າງຈົບງາມ

ນັກຂ່າວໄດ້ຮັບຊາບຂໍ້ມູນຈາກຫ້ອງການຖະແຫຼງຂ່າວຂອງພະແນກປ້ອງກັນຄວາມສະຫງົບແຂວງຢຸນນານຈີນວ່າ: ໃນເວລາ 10 ໂມງ 30 ນາທີຂອງວັນທີ 22 ສິງຫານີ້, ຄຽງຄູ່ກັບກຳປັ່ນປະຕິບັດກົດໝາຍຂອງຝ່າຍຈີນໄດ້ຈອດຢູ່ທ່າກຳປັ່ນ ຈິງຮ່າຂອງກິ່ງແຂວງປົກຄອງຕົນເອງເຜົ່າລື້ສິບສອງພັນນາຂແວງຢຸນນານຈີນ, ການເຄື່ອນໄຫວລາດຕະເວນປະຕິບັດກົດໝາຍຮ່ວມຕາມລຳແມ່ນ້ຳຂອງ ຈີນ-ລາວ-ມຽນມາ-ໄທ ຄັ້ງທີ 144 ໄດ້ສິ້ນສຸດລົງຢ່າງຈົບງາມ.

ການເຄື່ອນໄຫວເທື່ອນີ້ໄດ້ດຳເນີນມາເປັນເວລາ 4 ມື້ 3 ຄືນ, ໄລຍະທາງເດີນເຮືອທັງໝົດ 600 ກວ່າກິໂລແມັດ. ພາກສ່ວນປະຕິບັດກົດໝາຍທີ່ກ່ຽວຂ້ອງຂອງ 4 ປະເທດດັ່ງກ່າວໄດ້ສົ່ງກຳປັ່ນປະຕິບັດກົດໝາຍ 5 ລຳ, ພະນັກງານປະຕິບັດກົດໝາຍ 140 ກວ່າຄົນ, ເພື່ອດຳເນີນການເຄື່ອນໄຫວລາດຕະເວນປະຕິບັດກົດໝາຍຮ່ວມທາງນ້ຳແລະທາງບົກຢູ່ເຂດນ້ຳບ້ານຊຽງກົກ, ບ້ານມອນ, “ເຂດສາມຫຼ່ຽມຄຳ” ແລະເຂດນ້ຳທີ່ສຳຄັນອື່ນໆຕາມລຳແມ່ນ້ຳຂອງ.