ທ່ານວາງຢີ້ຈະຢ້ຽມຢາມມຽນມາ ແລະ ເດີນທາງໄປໄທເພື່ອເປັນປະທານກອງປະຊຸມລັດຖະມົນຕີການຕ່າງປະເທດຄັ້ງທີ 9 ຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ

    ລະຫວ່າງວັນທີ 14 ຫາ 17 ສິງຫານີ້, ທ່ານວາງຢີ້ ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນຈະຢ້ຽມຢາມມຽນມາ ແລະ ເດີນທາງໄປໄທ ເພື່ອເປັນປະທານກອງປະຊຸມລັດຖະມົນຕີການຕ່າງປະເທດຄັ້ງທີ 9 ຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ພ້ອມທັງເຂົ້າຮ່ວມການພົບປະບໍ່ເປັນທາງການຂອງລັດຖະມົນຕີການຕ່າງປະເທດຈີນ ລາວ ມຽນມາ ແລະ ໄທ.

     ຫຼາຍປີມໍ່ໆມານີ້, ພາຍໃຕ້ການຊີ້ນຳທາງຍຸດທະສາດຂອງທ່ານສີຈິ້ນຜິງ ປະທານປະເທດຈີນ ແລະ ຜູ້ນຳບັນດາປະເທດແມ່ນ້ຳຂອງ, ຈີນ-ກຳປູເຈຍ ຈີນ-ລາວ ຈີນ-ມຽນມາຈີນ-ໄທ ແລະ ຈີນ-ຫວຽດນາມຕ່າງໄດ້ປະກາດສ້າງປະຊາຄົມຮ່ວມຊາຕາກຳຕາມລຳດັບ, ການສ້າງປະຊາຄົມຮ່ວມຊາຕາກຳລະຫວ່າງສອງຝ່າຍ ແລະ ຫຼາຍຝ່າຍໄດ້ປົກຄຸມໝົດທົ່ວພາກພື້ນແມ່ນ້ຳລ້ານຊ້າງ-ແມ່ນ້ຳຂອງ. ຈີນຫວັງວ່າ ໂດຍຜ່ານກອງປະຊຸມລັດຖະມົນຕີການຕ່າງປະເທດຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໃນຄັ້ງນີ້.ຈະຮ່ວມກັບບັນດາປະເທດແມ່ນ້ຳຂອງ ພ້ອມກັນກວດກາຄືນຄວາມຄືບໜ້າການຮ່ວມມື ແລະ ສະຫຼຸບບົດຮຽນການຮ່ວມມື,ຈັດວາງແຜນການກ່ຽວກັບການພັດທະນາໃນໄລຍະຕໍ່ໜ້າຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ເພື່ອຊ່ວຍສ້າງປະຊາຄົມຮ່ວມຊາຕາກຳລະຫວ່າງປະເທດແມ່ນ້ຳລ້ານຊ້າງ-ແມ່ນ້ຳຂອງທີ່ແໜ້ນແຟ້ນກວ່າເກົ່າ.