ກິດຈະກໍາຝຶກອົບຮົມ ພາຍໃຕ້ແຜນການບໍາລຸງສ້າງນັກການທູດລຸ້ນໃໝ່ແມ່ນໍ້າລ້ານຊ້າງ-ແມ່ນໍ້າຂອງໄດ້ຈັດຂຶ້ນຢູ່ມະຫາວິທະຍາໄລ ແພດສາດຕ້າຫຼຽນ

ເມື່ອບໍ່ດົນມານີ້, ແຜນການກໍ່ສ່າງ-ບໍາລຸງນັກການທູດລຸ້ນໃໝ່ ແມ່ນໍ້າລ້ານຊ້າງ-ແມ່ນໍ້າຂອງປະຈໍາປີ 2024 ຊຸດຝຶກອົບຮົມພາຍໃຕ້ຫົວຂໍ້ “ຊຸກຍູ້ການພັດທະນາ ແລະ ການຮ່ວມມືຂອງພາກພື້ນ, ປະກອບກໍາລັງເຂົ້າໃນການສ້າງປະຊາຄົມຮ່ວມຊາຕາກໍາປະເທດແມ່ນໍ້າລ້ານຊ້າງ-ແມ່ນໍ້າຂອງ” ໄດ້ຈັດຂຶ້ນຢູ່ມະຫາວິທະຍາໄລ ແພດສາດຕ້າຫຼຽນ ຊຶ່ງມີນັກສຶກສາຈີນ ແລະ ນັກສຶກສາຕ່າງປະເທດເຂົ້າຮ່ວມ ຈໍານວນ 60 ກວ່າຄົນ.

 “ແຜນການບໍາລຸງສ້າງນັກການທູດລຸ້ນໃໝ່ ແມ່ນໍ້າລ້ານຊ້າງ-ແມ່ນໍ້າຂອງ” ເປັນໂຄງການຫຼັກ ຂອງຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ, ຊຶ່ງມີຈຸດປະສົງສ້າງເວທີສົນທະນາແລກປ່ຽນ ໃຫ້ແກ່ຊາວໜຸ່ມຂອງ 6 ປະເທດແມ່ນໍ້າລ້ານຊ້າງ-ແມ່ນໍ້າຂອງ ເພື່ອສ້າງເປັນບຸກຄະລາກອນສືບທອດດ້ານວຽກງານການຕ່າງປະເທດ ຂອງການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ. ຊຸດຝຶກອົບຮົມຄັ້ງນີ້ ໄດ້ຈັດຕັ້ງ ກອງປະຊຸມສົນທະນາລະດັບສູງ, ກອງປະຊຸມເວທີປາໄສໂຕະມົນ, ກອງປະຊຸມໜ່ວຍງານ, ກອງປະຊຸມຜູ້ນໍາແມ່ນໍ້າລ້ານຊ້າງ-ແມ່ນໍ້າຂອງແບບຈໍາລອງ ແລະ ອື່ນໆ.

ໃນໄລຍະຊຸດຝຶກອົບຮົມ, ຜູ້ຊ່ຽວຊານຫຼາຍກວ່າ 20 ກວ່າທ່ານ ຈາກ ກະຊວງສິ່ງແວດລ້ອມນິເວດ, ມະຫາວິທະຍາໄລຟູຕ້ານ,ສະຖາບັນຄົ້ນຄວ້າບັນຫາສາກົນຈີນ, ສູນຄວາມຮູ້ເພື່ອການພັດທະນາສາກົນຈີນ, ມະຫາວິທະຍາໄລພາສາຕ່າງປະເທດຕ້າຫຼຽນ ແລະ ພາກສ່ວນອື່ນໆ ໄດ້ຂຶ້ນບັນຍາຍແກ່ນັກສໍາມະນາກອນທັງຫຼາຍ. ຜູ້ຕາງໜ້າສໍາມະນາກອນ 6 ປະເທດແມ່ນໍ້າລ້ານຊ້າງ-ແມ່ນໍ້າຂອງ ໄດ້ແລກປ່ຽນຄວາມຮູ້ຄວາມເຫັນ ແລະ ປະກອບສະຕິປັນຍາ ກ່ຽວກັບການຊຸກຍູ້ການພັດທະນາ ແລະ ການຮ່ວມມືໃນພາກພື້ນ ແລະ ການປະກອບກໍາລັງເຂົ້າໃນການສ້າງປະຊາຄົມຮ່ວມຊາຕາກໍາແມ່ນໍ້າລ້ານຊ້າງ-ແມ່ນໍ້າຂອງ. ພາຍຫຼັງພິທີປິດຊຸດຝຶກອົມຮົມ, ຜູ້ຈັດຊຸດຝຶກອົບຮົມໄດ້ນໍາພານັກສໍາມະນາກອນໄປທັດສະນະສຶກສາ ຢູ່ມະຫາວິທະຍາໄລພາສາຕ່າງປະເທດຕ້າຫຼຽນ, ຫໍພິພິທະພັນລຸຍຊູ້ນ ແລະ ສະຖານທີ່ຕ່າງໆ ເພື່ອໃຫ້ນັກສໍາມະນາກອນເຂົ້າໃຈ ແລະ ສໍາພັດໄດ້ເຖິງຄວາມເປັນຈິງຂອງປະເທດຈີນ ເພື່ອຊຸກຍູ້ການຖອດຖອນແລກປ່ຽນອະລິຍະທໍາເຊິ່ງກັນແລະກັນ ພ້ອມທັງໂຄສະນາເຜີຍແຜ່ສາຍພົວພັນມິດຕະພາບລະຫວ່າງບັນດາປະເທດແມ່ນໍ້າລ້ານຊ້າງ-ແມ່ນໍ້າຂອງ.