ທ່ານຫວາງຢີ້ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງເວທີເປິກສາຫາລືອາຊຽນຄັ້ງທີ 31

ວັນທີ 27 ກໍລະກົດນີ້, ທ່ານຫວາງຢີ້ ກຳມະການກົມການເມືອງສູນກາງພັກກອມມູນິດຈີນ, ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອງເວທີເປິກສາຫາລືອາຊຽນຄັ້ງທີ 31. ທ່ານຫວາງຢີ້ກ່າວວ່າ, ປັດຈຸບັນ, ພວກເຮົາກຳລັງຢູ່ໃນຍຸກສະໄໝທີ່ປັ່ນປ່ວຍແລະວຸ້ນວາຍ. ການປະທະກັນໃນພາກພື້ນຕ່າງໆໄດ້ແກ່ຍາວເປັນເວລາຍາວນານກວ່າເກົ່າ, ການເປັນປໍລະປັກກັນດ້ານພູມິພາກເພີ່ມຂຶ້ນຫຼາຍກວ່າເກົ່າ, ການປ່ຽນແປງທາງດ້ານດິນຟ້າອາກາດ, ລັດທິກໍ່ການຮ້າຍ, ຄວາມປອດໄພທາງດ້ານອິນເຕີເນັດແລະສິ່ງທ້າທາຍຕ້ານຄວາມໝັ້ນຄົງແບບໃໝ່ກໍ່ເກີດຂຶ້ນຕື່ມອີກ, ລັດທິຝ່າຍດຽວ ແລະແນວຄິດສົງຄາມເຢັນກໍມີທ່າອ່ຽງຟື້ນຄືນ, ກຸ່ມປ້ອງກັນຄວາມໝັ້ນຄົງທາງການທະຫານປະເພດຕ່າງໆກໍປາກົດຕົວຂຶ້ນເລື້ອຍໆ. ໃນຖານະເປັນເວທີສົນທະນາດ້ານຄວາມປອດໄພຫຼາຍຝ່າຍທີ່ສຳຄັນທີ່ສຸດໃນພາກພື້ນອາຊີປາຊິຟິກທີ່ນຳພາໂດຍອາຊຽນ, ເວທີເປິກສາຫາລືອາຊຽນໄດ້ປະກອບສ່ວນອັນສຳຄັນເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ. ທ່ານຫວາງຢີ້ໄດ້ສະເໜີຂໍ້ສະເໜີ 4 ຂໍ້ກ່ຽວກັບການຮັບມືກັບສິ່ງທ້າທາຍໃນປັດຈຸບັນ, ຄື: ໜຶ່ງ ຍຶດໝັ້ນວິໄສທັດສັນຕິພາບ, ສອງ ຄວນປະຕິບັດຕາມຮູບແບບອາຊຽນ, ສາມ ສ້າງພື້ນຖານແຫ່ງການຮ່ວມມືໃຫ້ໝັ້ນໜຽວ, ສີ່ ຍຶດໝັ້ນການສົນທະນາແລະການເປິກສາຫາລືກັນ.