ການແຂ່ງຂັນ ອອກແບບ ແລະ ການປະດິດສ້າງໃໝ່ຂອງຊາວໜຸ່ມປະເທດ ແມ່ນໍ້າລ້ານຊ້າງ-ແມ່ນໍ້າຂອງ ຄັ້ງທີ 8 ໄດ້ຈັດຂຶ້ນຢ່າງເປັນທາງການ

ຕອນບ່າຍຂອງວັນທີ 12 ກໍລະກົດ, ພິທີປະກາດຜົນການແຂ່ງຂັນອອກແບບ ແລະ ການປະດິດສ້າງໃໝ່ຂອງຊາວໜຸ່ມ ກ່ຽວກັບການບໍລິຫານ ແລະ ພັດທະນາລ້ອງແມ່ນໍ້າລ້ານຊ້າງ-ແມ່ນໍ້າຂອງ (LM)  ຄັ້ງທີ 8 ໄດ້ຈັດຂຶ້ນຢູ່ທີ່ວິທະຍາເຂດພູເກັດ ຂອງ ມະຫາວິທະຍາໄລສົງຂານາຄະລິນລາຊະອານາຈັກໄທ. ໃນການແຂ່ງຂັນຄັ້ງນີ້ ມີນັກສຶກສາຈຳນວນ 288 ຄົນ ຈາກມະຫາວິທະຍາໄລ 9 ແຫ່ງຂອງ 6 ປະເທດ LM ໂດຍມີຜົນງານທັງໝົດ 96 ຜົນງານເຂົ້າປະກວດ, ໃນນັ້ນ, ມີ 20 ທີມ ແລະ ຜູ້ເຂົ້າແຂ່ງຂັນ 60 ຄົນໄດ້ຜ່ານການຄັດເລືອກເຂົ້າຮອບຊີງຊະນະເລີດເພື່ອ ຊີງລາງວັນ 4 ປະເພດ ຄື໊: ລາງວັນ “ບັນຫາຊົງຄ່າທີ່ສຸດ”, ລາງວັນ “ທີມງານທີ່ມີຫົວຄິດປະດິດສ້າງທີ່ສຸດ”, ລາງວັນ “ທີມງານລະຫວ່າງປະເທດທີ່ດີເລີດທີ່ສຸດ”ແລະ ລາງວັນ “ແຜນງານການຈັດຕັ້ງປະຕິບັດທີ່ດີເລີດທີ່ສຸດ”.

ນາງ ເມິງຊື່ທິງ ຜູ້ເຂົ້າແຂ່ງຂັນຈາກວິທະຍາໄລການເງິນ-ເສດຖະກິດກວາງຊີ ທີ່ໄດ້ຮັບນາມະຍົດ “ທີມງານລະຫວ່າງປະເທດທີ່ດີເລີດທີ່ສຸດ” ໄດ້ກ່າວວ່າ “ການທີ່ຂ້າພະເຈົ້າຮຽນສາຂາວິຊາການເງິນ-ເສດຖະກິດ, ໂດຍທົ່ວໄປແລ້ວແມ່ນເອົາໃຈໃສ່ສະເພາະແຕ່ຕະຫຼາດ, ແຕ່ໃນຂະບວນການຮ່ວມມືກັບນັກສຶກສາທີ່ຮຽນສາຂາວິຊາທຸລະກິດສາກົນຂອງປະເທດໄທ ແລະ ຫວຽດນາມ, ຂ້າພະເຈົ້າໄດ້ຮຽນຮູ້ວ່າຕ້ອງຄຳນຶງເຖິງຮູບແບບຈິນຕະນາການຂອງຄົນໃນເຂດແຄວ້ນທີ່ຕ່າງກັນ, ສະນັ້ນ, ຈຶ່ງໄດ້ຫັນປ່ຽນແນວຄິດຈາກການອອກແບບເຄື່ອງກັ່ນຕອງອາກາດສຳລັບສິ່ງກໍ່ສ້າງຂອງໂຄງການແບບເກົ່າ ມາເປັນ ການອອກແບບເຄື່ອງກັ່ນຕອງຂອງຜ້າອັດປາກ-ອັດດັງ ທີ່ສາມາດຕອບສະໜອງໄດ້ຄວາມຕ້ອງການສູງຂອງປະຊາຊົນປະເທດ LM”.

ຕາມຂໍ້ມູນໃຫ້ຮູ້ວ່າ ໃນປີ 2025, ການແຂ່ງຂັນ ອອກແບບ ແລະ ການປະດິດສ້າງໃໝ່ຂອງຊາວໜຸ່ມປະເທດ ແມ່ນໍ້າລ້ານຊ້າງ-ແມ່ນໍ້າຂອງ ຄັ້ງທີ 9 ກໍຄືກິດຈະກໍາທີ່ກ່ຽວຂ້ອງຈະຈັດຂຶ້ນຢູ່ມະຫາວິທະຍາໄລວັດທະນະທຳ-ມະນຸດສາດ ແລະ ວິທະຍາສາດສັງຄົມປະເທດຫວຽດນາມ.