ຊ່ຽວຊານຈາກ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງສຳຫຼວດພູມສັນຖານຫີນປູນບູຮານທີ່ມີຮູບຊົງຫຼາກຫຼາຍຢູ່ຕາມຍອດແມ່ນ້ຳລ້ານຊ້າງ
lmcchina.org, July 30, 2024
Size：
ຮູບຖ່າຍທາງອາກາດຂອງໜອງບຶງຮູບກະຊວຍດິນບ່ອນຂຸ່ມທີ່ຖືກເຊາະຫ້ຽນຢູ່ຕາມຍອດແມ່ນ້ຳທີ່ຖ່າຍໂດຍທ້າວ ຈ່າງຢົງ
ໃນວັນທີ 18 ກໍລະກົດ ຢູ່ເມືອງຈາຕົ່ວ ກິ່ງແຂວງປົກຄອງຕົນເອງເຜົ່າຕິເບັດຢູ້ຊູ້ ແຂວງຊິ່ງຫ່າຍ, ມີຊ່ຽວຊານດ້ານຊັບພະຍາກອນນ້ຳເກືອບ 30 ທ່ານ ຈາກ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງ (LM) ໄດ້ຮ່ວມກັນໄປສໍາຫຼວດ ກ່ຽວກັບ ພູມສັນຖານຫີນປູນບູຮານທີ່ມີເອກະລັກສະເພາະຕ່າງໆ, ເຊັ່ນ: ຜາຫີນດິນຕະກອນ ຊວນຮົວຢູ່ຕາມຍອດແມ່ນ້ຳລ້ານຊ້າງ ແລະ ໜອງບຶງຮູບກະຊວຍດິນບ່ອນຊຸ່ມທີ່ຖືກເຊາະຫ້ຽນ ເປັນຕົ້ນ, ພ້ອມທັງໄດ້ຮຽນຮູ້ກ່ຽວກັບປະຫວັດສາດຂະບວນວິວັດ ຂອງລະບົບນ້ຳຢູ່ຕາມຍອດແມ່ນ້ຳລ້ານຊ້າງ. ຕາມຂໍ້ມູນໃຫ້ຮູ້ວ່າ ເຂດຍອດແມ່ນ້ຳລ້ານຊ້າງມີພູມສັນຖານຫີນປູນບູຮານ ທີ່ມີຮູບຊົງຫຼາກຫຼາຍຫຼາຍບ່ອນ, ປາກົດມີລັກສະນະແຕກຕ່າງກັນຕາມເສັ້ນຂະໜານອັນແນ່ນອນ ແລະ ເປັນຮູບເປັນຮ່າງຂຶ້ນຕົ້ນຕໍໃນສະໄໝເທີເຊຍຣີ (Tertiary) ພາຍໃຕ້ພູມອາກາດເຂດຮ້ອນ ແລະ ເຄິ່ງເຂດຮ້ອນ ເຊິ່ງກົງກັບສະໄໝທີ່ເຂດຫີນ (ເປືອກໂລກ) ຖືກຍູ້ຂຶ້ນຕາມທໍລະນີວິທະຍາຫຼາຍ.
ຮູບຖ່າຍທີ່ຊ່ຽວຊານດ້ານຊັບພະຍາກອນນ້ຳຈາກປະເທດ LM ດຳເນີນການສຳຫຼວດຮ່ວມຢູ່ຕາມຍອດແມ່ນ້ຳລ້ານຊ້າງ. ຖ່າຍໂດຍ ທ້າວສີມ້ຽວ
ຮູບຖ່າຍຂອງຜາຫີນດິນຕະກອນ ຊວນຮົວຢູ່ຕາມຍອດແມ່ນ້ຳລ້ານຊ້າງ. ຖ່າຍໂດຍນາງ ພ່ານຢູເຈ
ຮູບຖ່າຍຈຸດຄົບກັນ ຂອງ ນ້ຳຈ່າອ່າສູໄຫຼລົງສູ່ນ້ຳຈ່ານ້າສູ ຈາກຫົວແມ່ນໍ້າລ້ານຊ້າງ. ຖ່າຍໂດຍ ທ້າວ ສີມ້ຽວ
ຮູບຖ່າຍທີ່ຊ່ຽວຊານດ້ານຊັບພະຍາກອນນ້ຳຈາກປະເທດ LM ດຳເນີນການສຳຫຼວດຮ່ວມຢູ່ຕາມຍອດແມ່ນ້ຳລ້ານຊ້າງ. ຖ່າຍໂດຍ ນາງ ພ່ານຢູເຈ