ນັກແຂ່ງຂັນລາວ ໄດ້ລາງວັນຊະນະເລີດ

“ທ້າວ ສອນເພັດ ນັກແຂ່ງຂັນລົດລາວໄດ້ຍາດຊິງເອົາຊະນະເລີດ!” ໃນວັນທີ 3 ທັນວາ ປີ 2023, ໄດ້ຈັດພິທີມອບລາງວັນໃນໄລຍະທາງ SS5 ການແຂ່ງຂັນລາຣີ (Rally) “ໜຶ່ງແລວ ໜຶ່ງເສັ້ນທາງ - ຢຸນນານທີ່ມີຫຼາກຫຼາຍສີສັນ” ຄັ້ງທີ 6 ຢູ່ທີ່ເສັ້ນທາງຊື່ທີ່ປິດລ້ອມຂອງເມືຶອງຫ້ວຍຊາຍແຂວງບໍ່ແກ້ວປະເທດລາວ. ມີນັກແຂ່ງຂັນທີ່ມາຈາກປະເທດຈີນ, ລາວ ແລະ ໄທ ຈໍານວນ 50 ກວ່າຄົນເຂົ້າຮ່ວມການແຂ່ງຂັນຄັ້ງນີ້, ນັກແຂ່ງຂັນລາວໄດ້ລາງວັນຊະນະເລີດ, ແລະ ໄດ້ຮັບການຊົມເຊີຍຂອງໝົດທຸກຄົນທີ່ຢູ່ໃນສະໜາມ.

ການແຂ່ງຂັນລົດລາຣີຄັ້ງນີ້ມີໄລຍະທາງການແຂ່ງຂັນຂ້າມຜ່ານ 4 ປະເທດ. ປະເທດລາວເປັນໄລຍະທາງໄປທໍາອິດທີ່ຢູ່ນອກປະເທດ, ກໍເປັນໄລຍະທາງກັບສຸດທ້າຍທີ່ນອກປະເທດ. ແຕ່ປີ 2016 ມາຮອດປັດຈຸບັນນີ້, ການແຂ່ງຂັນລົດລາຣີທັງໝົດ 5 ຄັ້ງມີໄລຍະທາງການແຂ່ງຂັນໄປຮອດປະເທດລາວ. 

“ຂ້ອຍຊື່ ໄຊຢູນ (Caiyun), ມີຄວາມໝາຍວ່າ ຢຸນນານມີເມັກຫຼາຍສີສັນ.” ນາງ ໄຊຢູນ ຜູ້ແປພາສາຄົນລາວ ທີ່ໄປນຳຂະບວນລົດ, ຍ້ອນວ່າລາວມັກຢຸນນານ, ຈຶ່ງໄດ້ມີຊື່ນີ້. 

“Nihao, (ຄໍາທັກທາຍພາສາຈີນ ໝາຍຄວາມວ່າ ສະບາຍດີ), ສະບາຍດີ!” ພໍ່ຄ້າຜູ້ມາຈາກແຂວງຫູນານປະເທດຈີນ ທີ່ດໍາເນີນທຸລະກິດປໍ້ານໍ້າມັນຢູ່ລາວ ໄດ້ນໍາໃຊ້ທັງພາສາຈີນ ແລະ ພາສາລາວຢ່າງຄ່ອງແຄ້ວ. ລາວໄດ້ບອກພວກຂະບວນລົດວ່າ, ລູກຄ້າຂອງປໍ້ານໍ້າມັນ ຕົ້ນຕໍແມ່ນລົດຂົນສົ່ງສິນຄ້າຄືຢາງພາລາ, ໝາກໄມ້ ແລະ ອື່ນໆທີ່ແລ່ນຢູ່ຕາມເສັ້ນທາງລະຫວ່າງລາວ-ຈີນ, ສາມາດເຫັນໄດ້ຮ້ານອາຫານຈີນ, ສະຖານທີ່ຈອດລົດ, ຮ້ານສ້ອມແປງລົດ, ປໍ້ານໍ້າມັນ ແລະ ອື່ນໆທີ່ຕິດປ້າຍໂຄສະນາໂດຍຂຽນເປັນທັງພາສາຈີນ ແລະ ພາສາລາວ ຢູ່ຕາມສາຍທາງທີ່ຂະບວນລົດແຂ່ງຂັນໄດ້ຜ່ານໄປນັ້ນ. “ພ້ອມກັບການຮ່ວມມືລະຫວ່າງປະເທດລາວ-ຈີນໄດ້ນັບມື້ນັບແໜ້ນແຟ້ນຂຶ້ນ, ເສັ້ນທາງລົດໄຟລາວ-ຈີນກໍໄດ້ເປີດການບໍລິການ, ຈະມີວິສາຫະກິດຈີນມາລົງທຶນຢູ່ລາວນັບມື້ນັບຫຼາຍຂຶ້ນ, ພາສາຈີນໄດ້ກາຍເປັນໜຶ່ງໃນວິຊາທີ່ໄດ້ຮັບຄວາມນິຍົມທີ່ສຸດໃນມະຫາວິທະຍາໄລລາວ.”

ໃນວັນທີ 20 ພະຈິກ ປີ 2023, ຂະບວນລົດໄດ້ເຂົ້າມະຫາວິທະຍາໄລສຸພານຸວົງ, ແລະ ສະມາຊິກຂະບວນລົດກໍໄດ້ຈັດຕັ້ງການເຄື່ອນໄຫວແລກປ່ຽນທາງດ້ານວັດທະນະທໍາ ແລະ ກິລາ ກັບບັນດາອາຈານ ແລະ ນັກສຶກສາ. ທ່ານ ວິລາ ອານຸລັກ ອະທິການບໍດີປະຈໍາການຂອງມະຫາວິທະຍາໄລ ຊູໂຈ່ ໄດ້ເວົ້າວ່າ, ການຄ້າທີ່ມີທ່າອ່ຽງນັບມື້ນັບດີຂຶ້ນລະຫວ່າງທັງສອງປະເທດລາວ-ຈີນ ໄດ້ດຶງດູດນັກສຶກສາຍິ່ງຫຼາຍຂຶ້ນ, ລາວຫວັງວ່າ ນັກສຶກສາດັ່ງກ່າວນີ້ສາມາດກາຍເປັນຄົນສໍາຄັນ ຄື "ຕະປູກຽວ” ທີ່ໄດ້ສົ່ງເສີມບົດບາດໃນການຄ້າລາວ-ຈີນ, ແລະ ກາຍເປັນ "ຄົນສ້າງຂົວ" ທີ່ພາໃຫ້ປະຊາຊົນເຂົ້າໃຈກັນ.