ເຮືອບິນລຸ້ນ C919 ທີ່ຜະລິດໂດຍຈີນເລີ່ມບິນທົດສອບ
CRI, December 27, 2022
Size：
ວັນທີ 26 ທັນວານີ້, ເຮືອບິນລຸ້ນ C919 ທີ່ຜະລິດໂດຍຈີນ ທີ່ມອບໃຫ້ບໍລິສັດການບິນ China Eastern ລໍາທໍາອິດ ໄດ້ເລີ່ມບິນທົດສອບ ໂດຍໄດ້ອອກເດີນທາງຈາກສະໜາມບິນສາກົນຫົງສຽວນະຄອນຊຽງໄຮ້ ໄປຫາສະໜາມບິນສາກົນນະຄອນຫຼວງປັກກິ່ງ. ນີີ້ເປັນການເລີ່ມຕົ້ນຂອງການບິນທົດສອບເປັນເວລາ 100 ຊົ່ວໂມງຂອງເຮືອບິນລຸ້ນ C919 ລໍາທໍາອິດຂອງບໍລິສັດການບິນ China Eastern ເຊິ່ງຈະທົດສອບຄວາມຮັບປະກັນຂອງເຮືອບິນດັ່ງກ່າວ ໃນການໃຊ້ທາງທຸລະກິດ ແລະ ຈະສ້າງພື້ນຖານອັນໜັກແໜ້ນໃຫ້ແກ່ການຮັບໃຊ້ຜູ້ໂດຍສານຕາມພາຍຫຼັງ.
ຫຼັງຈາກເຮືອບິນລຸ້ນ C919 ສໍາເລັດການບິນທົດສອບແລ້ວ, ອົງການການບິນພົນລະເຮືອນຈີນຈະພິຈາລະນາ ແລະກວດກາຜົນການທົດສອບ ແລະ ຈະມອບໃບອະນຸຍາດການບິນທີ່ກ່ຽວຂ້ອງພາຍຫຼັງຢືນຢັນຄວາມສາມາດຂອງບໍລິສັດການບິນ China Eastern ໃນການນໍາໃຊ້ເຮືອບິນລຸ້ນ C919 ຢ່າງປອດໄພໄດ້.
ບໍລິສັດການບິນ China Eastern ກໍາລັງພະຍາຍາມເຮັດໃຫ້ເຮືອບິນລຸ້ນ C919 ສາມາດຮັບໃຊ້ຜູ້ໂດຍສານໃນໄລຍະບຸນກຸດຈີນປີ 2023 ທີ່ຈະມາເຖິງນີ້.