ໃນໄລຍະດຳເນີນກອງປະຊຸມສອງສະພາຄືສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນໃນວັນທີ 5 ຫາວັນທີ 7 ມີນານີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ,ປະທານປະເທດຈີນ,ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມກອງປະຊຸມພິຈາລະນາແບບແບ່ງກຸ່ມ 3 ຄັ້ງຕາມລຳດັບພ້ອມທັງໄດ້ປະກອບຄຳເຫັນສຳຄັນຕ່າງໆ,ເຮັດໃຫ້ບຸກຄົນຕ່າງປະເທດທັງຫຼາຍເຂົ້າໃຈຄວາມດີເລີດດ້ານລະບອບຂອງຈີນໄດ້ຢ່າງເລິກເຊິ່ງກວ່າເກົ່າ,ກໍຄືປະຊາຊົນເປັນເຈົ້າຂອງປະເທດຊາດ,ການພັດທະນາທີ່ມີຄຸນນະພາບສູງແລະຄຳສັບທີ່ສຳຄັນອື່ນໆໃນດ້ານການບໍລິຫານປະເທດຂອງຈີນ.
ທ່ານ ກິ່ງເພັດ ມົງຄຸນວິໄລ ຮອງຫົວໜ້າຫ້ອງວ່າການສູນກາງພັກປະຊາຊົນປະຕິວັດລາວໄດ້ກ່າວວ່າ: ກອງປະຊຸມສອງສະພາແມ່ນປ່ອງຢ້ຽມທີ່ສຳຄັນທີ່ສະແດງໃຫ້ເຫັນປະຊາທິປະໄຕປະຊາຊົນທົ່ວຂະບວນການຂອງຈີນ,ການປຶກສາຫາລືກ່ຽວກັບຫົວຂໍ້ປະຊຸມທີ່ພົວພັນເຖິງຊີວິດການເປັນຢູ່ຂອງປະຊາຊົນໃນດ້ານຕ່າງໆ ເປັນການສະແດງໃຫ້ເຫັນວ່າປະຊາຊົນເປັນເຈົ້າຂອງປະເທດຊາດຢ່າງແທ້ຈິງ.
ທ່ານ ນະທີ ທະວີສີເຟື້ອງຟຸ່ງ ປະທານຄັງປັນຍາແຂວງຂຽງລາຍປະເທດໄທ, ຮອງຜູ້ອຳນວຍການສະຖາບັນບໍລິຫານປັນຍາທິບພິວັດຂອງໄທເຫັນວ່າ: ກ່ຽວກັບປະຊາທິປະໄຕ,ປະຊາຊົນຂອງບັນດາປະເທດແມ່ນມີສິດອອກຄຳເຫັນຫຼາຍທີ່ສຸດ. ການແກ້ໄຂບັນຫາຄວາມທຸກຍາກ,ເຮັດໃຫ້ປະຊາຊົນມີຊີວິດເປັນເປັນຢູ່ທີ່ຮັ່ງມີ,ແມ່ນວຽກງານສຳຄັນທີ່ສຸດຂອງຊາດທີ່ມີຕໍ່ຊີວິດການເປັນຢູ່ຂອງປະຊາຊົນຂອງປະເທດໃດໜຶ່ງ,ປະຊາທິປະໄຕຂອງຈີນແມ່ນປະຊາທິປະໄຕປະຊາຊົນຢ່າງແທ້ຈິງ.