ວັນທີ 6 ກຸມພານີ້, ສະຫະພັນເຂົ້າເປືອກກຳປູເຈຍໄດ້ລາຍງານວ່າ: ໃນເດືອນມັງກອນປີນີ້, ກຳປູເຈຍໄດ້ສົ່ງອອກເຂົ້າສານຈຳນວນ 53.000 ໂຕນ, ໃນນັ້ນ, ມີເກືອບ 60% ໄດ້ສົ່ງອອກໄປປະເທດຈີນ.
ບົດລາຍງານຂອງສະຫະພັນເຂົ້າເປືອກກຳປູເຈຍຊີ້ໃຫ້ເຫັນວ່າ: ໃນເດືອນມັງກອນປີນີ້, ກຳປູເຈຍໄດ້ສົ່ງອອກເຂົ້າສານໄປ 34 ປະເທດແລະເຂດແຄວ້ນຈຳນວນ 53.000 ໂຕນ, ເພີ່ມຂຶ້ນ 54,7% ເມື່ອທຽບໃສ່ໄລຍະດຽວກັນຂອງປີກາຍ, ມູນຄ່າການສົ່ງອອກມີເຖິງ 35,72 ລ້ານໂດລາ. ບົດລາຍງານຍັງຊີ້ໃຫ້ເຫັນວ່າ: ຈີນຍັງເປັນຕະຫຼາດການສົ່ງອອກເຂົ້າສານທີ່ໃຫຍ່ທີ່ສຸດຂອງກຳປູເຈຍ. ໃນເດືອນມັງກອນປີນີ້, ກຳປູເຈຍໄດ້ສົ່ງອອກເຂົ້າສານໄປປະເທດຈີນຈຳນວນ 31.000 ໂຕນ, ກວມຍອດປະລິມານການສົ່ງອອກ 59%.