ບຸກຄົນສຳຄັນທາງການເມືອງຂອງປະເທດອາຊີອາຊີຕາເວັນອອກສຽງໃຕ້ແລະອາຊີໃຕ້ຫວັງໃຫ້ງານກິລາໂອລິມປິກລະດູໜາວປັກກິ່ງຈັດຂຶ້ນຢ່າງສຳເລັດຜົນຈົບງາມ
CRI, January 26, 2022
Size：
ວັນທີ 24 ມັງກອນນີ້, ກອງປະຊຸມປຶກສາຫາລືຮ່ວມກັນລະຫວ່າງຈີນກັບພັກການເມືອງ “ໜຶ່ງແລວໜຶ່ງເສັ້ນທາງ” ຂອງປະເທດອາຊີອາຕາເວັນອອກສຽງໃຕ້ແລະອາຊີໃຕ້ທີ່ຄະນະພົວພັນຕ່າງປະເທດສູນກາມພັກກອງມູນິດຈີນເປັນເຈົ້າພາບ ຈັດຂຶ້ນຜ່ານທາງວິດີໂອ. ບຸກຄົນສຳຄັນທາງການເມືອງ ແລະພັກການເມືອງປະເທດອາຊີຕາເວັນອອກສຽງໃຕ້ແລະອາຊີໃຕ້ໄດ້ໃຫ້ການສະໜັບສະໜູນແລະຄວາມຄອງຄອຍທີ່ມີຕໍ່ງານກິລາໂອລິມປິກລະດູໜາວປັກກິ່ງ ແລະເຊື່ອໝັ້ນວ່າ: ຈີນຈະຈັດງານກິລາໂອລິມປິກທີ່ກະທັດຫັດ, ປອດໄພ ແລະໜ້າຊົມໃຫ້ກັບໂລກ.
ທ່ານຊີວຟຸກຊັນ ເລຂາທິການໃຫຍ່ພັກຍຸດຕິທຳປະຊາຊົນມນາເລເຊຍ, ປະທານສະມາຄົມການຄ້າ-ການລົງທຶນສວນແຟດມາເລເຊຍ-ຈີນກ່າວວ່າ: “ສຳລັບວຽກງານຮັບມືກັບສະພາບພະຍາດໂຄວິດ-19 ທີ່ໜັກໜ່ວງ, ຈີນເຮັດໄດ້ດີຫຼາຍໃນການປ້ອງກັນແລະຄວບຄຸມພະຍາດ, ວຽກງານດັ່ງກ່າວເຮັດໄດ້ດີປານນີ້ ກໍຈະເຮັດໃຫ້ນັກກິລາແລະແຂກຜູ້ມີກຽດຈາກປະເທດອື່ນໆທີ່ມາເຂົ້າຮ່ວມງານກິລາໂອລິມປິກລະດູໜາວປັກກິ່ງມີຄວາມປອດໄພ.”
ທ່ານກາເນສ ປຣາຊາດ ຕິມິວຊິນາ ປະທານສະພາແຫ່ງຊາດເນປານ, ຜູ້ນຳພັກກອມມູນິດເນປານໄດ້ກ່າວຄຳປາໄສໃນກອງປະຊຸມ ໂດຍໄດ້ຍ້ອງຍໍແນວຄວາມຄິດການຈັດງານກິລາໂອລິມປິກລະດູໜາວປັກກິ່ງຕາມທິດສີຂຽວ ແລະເຫັນວ່າ: ຈີນໄດ້ປະຕິບັດຕາມຄຳໝັ້ນສັນຍາໃນການຈັດງານກິລາໂອລິມປິກ.
ກ່ຽວກັບການກະທຳຂອງບາງປະເທດທີ່ຫັນບັນຫາກິລາເປັນບັນຫາການເມືອງ, ທ່ານມຸຊາຮີ ປະທານຄະນະກຳມະການປ້ອງກັນປະເທດຂອງສະພາສຽງປາກີສະຖານໄດ້ສະແດງການຄັດຄ້ານຢ່າງເດັດດ່ຽວ, ທ່ານກ່າວວ່າ: ນີ້ບໍ່ແມ່ນຫາງສຽງຕົ້ນຕໍຂອງປະຊາຄົມໂລກ.
ທ່ານອານັນດາ ປອກຄາເຣນ ກຳມະການກົມການເມືອງສູນກາງພັກກອມມູນິດເນປານກ່າວວ່າ: ງານກິລາໂອລິມປິກລະດູໜາວປັກກິ່ງຈະເສີ່ມຂະຫຍາຍບົດບາດທີ່ຕັ້ງໜ້າໃນການເພີ່ມທະວີຄວາມສາມັກຄີ ແລະ ລົງເລິກການສ້າງມິດຕະພາບໃຫ້ກັບປະຊາຄົມໂລກ, ແມ່ນເວທີສຳຄັນໃນການສ້າງປະຊາຄົມຮ່ວມຊາຕາກຳຂອງມວນມະນຸດ.