(ທ່ານໄພ ສີພັນ)
ຫວ່າງກ່ອນນີ້ບໍ່ດົນ, ໃນເວລາໃຫ້ສຳພາດຕໍ່ນັກຂ່າວ, ທ່ານໄພ ສີພັນ ໂຄສົກລັດຖະບານກຳປູເຈຍໄດ້ກ່າວວ່າ: ສັນຍາວ່າດ້ວຍການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນຫຼືອາເຊັບທີ່ໄດ້ມີຜົນບັງຄັບໃຊ້ຢ່າງເປັນທາງການໃນວັນທີ 1 ມັງກອນປີນີ້ໄດ້ສະໜອງໂອກາດການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃຫ້ແກ່ປະເທດສະມາຊິກທັງໝົດ, ທຸກປະເທດສະມາຊິກຈະໄດ້ຮັບຜົນປະໂຫຍດຈາກສັນຍາດັ່ງກ່າວ.
ທ່ານໄພ ສີພັນຍັງກ່າວຕື່ມວ່າ: ອາເຊັບຈະຊຸກຍູ້ການຄ້າສາກົນແລະເຮັດໃຫ້ຜະລິດຕະພັນກຳປູເຈຍໂດຍສະເພາະແມ່ນຜະລິດຕະພັນກະສິກຳຫຼາຍຊະນິດສາມາດສົ່ງອອກໄປຂາຍຢູ່ບັນດາປະເທດສະມາຊິກຂອງອາເຊັບເຊິ່ງລວມທັງປະເທດຈີນ, ເວົ້າສຳລັບກຳປູເຈຍແລ້ວອາເຊັບເປັນໂອກາດທາງດ້ານຕະຫຼາດອັນໃຫຍ່ຫຼວງ. ພ້ອມກັນນັ້ນ, ອາເຊັບຍັງຈະຊ່ວຍດຶງດູດນັກລົງທຶນຕ່າງປະເທດທີ່ມີທຶນແລະເຕັກນິກສູງຫຼາຍກວ່າເກົ່າມາລົງທຶນຢູ່ກຳປູເຈຍ.
ທ່ານໄພ ສີພັນຍັງເຫັນວ່າ: ອາເຊັບມີຄວາມສຳຄັນທີ່ສຸດຕໍ່ກັບເສດຖະກິດໂລກາພິວັດແລະການເຮັດໃຫ້ເສດຖະກິດພາກພື້ນເປັນອັນໜຶ່ງອັນດຽວກັນ, ທັງຈະຊຸກຍູ້ການຄ້າແລະການລົງທຶນໃນພາກພື້ນ ແລະສ້າງໂອກາດການປະກອບອາຊີບແລະຕະຫຼາດຫຼາຍກວ່າເກົ່າໃຫ້ແກ່ປະຊາຊົນແລະວິສາຫະກິດໃນພາກພື້ນຕົນ.