ແມ່ນໍ້າລ້ານຊ້າງທີ່ໄຫຼສະຫງ່າ ລະບົບນິເວດທີ່ສວຍສົດງົດງາມ

ຮ່ອມພູໃຫຍ່ແມ່ນໍ້າລ້ານຊ້າງ ທີ່ຕາແສງຊູຈີຂາ ເມືອງມາງຄັ່ງ ເຂດປົກຄອງຕົນເອງຕິເບດ, ຂ້າງແມ່ນໍ້າແມ່ນໝູ່ບ້ານ ແລະ ນາເກືອ.

ລະບົບສາຍນໍ້າທີ່ມີຮູບດ່າງແຫຂອງ ແມ່ນໍ້າ ຈາຊູ ທີ່ເຂດຕອນເໜືອຂອງແມ່ນໍ້າລ້ານຊ້າງ, ເມືອງໜັງຊຽນ ກິ່ງແຂວງປົກຄອງຕົນເອງຊົນເຜົ່າຕິເບດຢູຊູ ແຂວງຊິ່ງໄຫ.

ນະຄອນຊາງຕູ່ ເຂດປົກຄອງຕົນເອງຕິເບດແມ່ນໍ້າຈາຊູ ແລະ ແມ່ນໍ້າອັງຊູ ໄຫຼໂຮມເຂົ້າກັນຢູ່ທີ່ນີ້ກາຍເປັນແມ່ນໍ້າລ້ານຊ້າງ.

ເຂດອະນຸລັກປົກປ້ອງກວາງແດງ (Cervus elaphus) ແບບທໍາມະຊາດລະດັບຊາດ ຕັ້ງຢູ່ສັນພູຊາງເມົາຫຼີງ ເມືອງເລີຍອູຊີ ເຂດປົກຄອງຕົນເອງຕິເບດ, ໂດຍມີກວາງແດງ ທີ່ເປັນສັດອະນຸລັກລະດັບສອງຂອງປະເທດ ກໍາລັງຊອກຢູ່ຫາກິນຢ່າງສໍາລານໃຈ.

ທາງຫຼວງຢູນນານ-ຕິເບດທີ່ຂ້າມຜ່ານຮ່ອມພູໃຫຍ່ແມ່ນໍ້າລ້ານຊ້າງ

ດິນຊຸ່ມທີ່ເຂດຕອນເໜືອແມ່ນໍ້າລ້ານຊ້າງ, ເມືອງໜັງຊຽນ ກິ່ງແຂວງປົກຄອງຕົນເອງຊົນເຜົ່າຕິເບດຢູຊູ ແຂວງຊິ່ງໄຫ.

ແມ່ນໍ້າລ້ານຊ້າງ ມີຕົ້ນກໍາເນີດຈາກແຂວງຊິ່ງໄຫ, ໄຫຼຜ່ານຕິເບດ, ຢູນນານ ແລະ ເຂດອື່ນໆ, ໄຫຼຂ້າມລະບົບນິເວດສິ່ງແວດລ້ອມທໍາມະຊາດ ແລະ ທີ່ຕັ້ງພູມລໍາເນົາຂອງຊີວະນາໆພັນຫຼາຍປະເພດ, ແມ່ນອົງປະກອບທີ່ສໍາຄັນຂອງລະບົບແມ່ນໍ້າຊານຈ່ຽງຢວນ. ພ້ອມດຽວກັນນີ້, ລ້ອງແມ່ນໍ້າລ້ານຊ້າງຍັງແມ່ນບ້ານເຮືອນຂອງສັດປ່າທີ່ໃກ້ຈະສູນພັນຕ່າງໆ ເຊັ່ນ ເສືອດາວຫິມະ (Snow leopard), ລີງທອງຢູນນານ (Black Snub-nosed Monkey) ແລະ ທະນີ, ທັງມີຕົ້ນ Taxus chinensis, ຕົ້ນ Parashorea chinensis Wang Hsie ແລະ ພືດທີ່ໃກ້ຈະສູນພັນອື່ນໆແຈກຢາຍຢູ່, ທັງໝົດເຫຼົ່ານີ້ໄດ້ເຮັດໃຫ້ແມ່ນໍ້າລ້ານຊ້າງກາຍເປັນໜຶ່ງໃນບັນດາລຳແມ່ນໍ້າທີ່ມີຄວາມຫຼາກຫຼາຍດ້ານຊີວະນາໆພັນທີ່ອຸດົມສົມບູນຫຼາຍທີ່ສຸດ.

    ຊຸມປີຜ່ານມາ, ບັນດາແຂວງ ແລະ ເຂດແຄວ້ນທີ່ລຽບຕາມແມ່ນໍ້າລ້ານຊ້າງໄດ້ເພີ່ມທະວີລະດັບການປົກປັກຮັກສາລະບົບນິເວດ ເຊິ່ງໄດ້ເຮັດໃຫ້ຈໍານວນຂອງໝູ່ສັດປ່າ ແລະ ກຸ່ມພືດພັນໃນລ້ອງນໍ້າເພີ່ມທະວີຂຶ້ນຢ່າງພົ້ນເດັ່ນ, ສະພາບທີ່ຕັ້ງພູມລໍາເນົາໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ, ຊັບພະຍາກອນດ້ານຊີວະນາໆພັນທາງນໍ້າຕາມທໍາມະຊາດໃນລ້ອງແມ່ນໍ້າໄດ້ຮັບການຟື້ນຟູ ແລະ ເພີ່ມຂຶ້ນ. ປັດຈຸບັນນີ້, ຄຸນນະພາບກະແສໜ້າຕັດຂອງແມ່ນໍ້າລ້ານຊ້າງໃນເຂດທີ່ໄຫຼອອກສູ່ທະເລຊິ່ງໄຫ ໄດ້ຄົງຕົວຢູ່ໃນລະດັບປະເພດⅠ, ອັດຕາການປົກຫຸ້ມຂອງທົ່ງຫຍ້າ ແລະ ປ່າດົງໃນເຂດຕອນເໜືອແມ່ນໍ້າລ້ານຊ້າງ ໄດ້ເພີ່ມຂຶ້ນຢ່າງພົ້ນເດັ່ນ ອັນນີ້ໄດ້ສະແດງໃຫ້ເຫັນວ່າ ຮູບແບບການພັດທະນາສີຂຽວທີ່ແນໃສ່ການຢູ່ຮ່ວມກັນຢ່າງກົມກຽວກັນລະຫວ່າງມະນຸດກັບ ທໍາມະຊາດໄດ້ກາຍເປັນພຶດຕິກໍາທີ່ມີລັກສະນະຊີວິດຊີວາໃນລ້ອງແມ່ນໍ້າລ້ານຊ້າງ.