ຈັດງານວາງສະແດງການທ່ອງທ່ຽວຂອງງານວາງສະແດງສິນຄ້າຈີນ-ອາຊຽນປີ 2021
CRI, October 19, 2021
Size：
ຫວ່າງມໍ່ໆມານີ້, ງານວາງສະແດງການທ່ອງທ່ຽວຂອງງານວາງສະແດງສິນຄ້າຈີນ-ອາຊຽນປີ 2021 ໄດ້ຈັດຂຶ້ນຢູ່ນະຄອນກຸ້ຍລີນ ເຂດກວາງຊີສປຈີນ ໂດຍມີຫົວຂໍ້ວ່າ: ລົງເລິກການສ້າງ “ໜຶ່ງແລວໜຶ່ງເສັ້ນທາງ", ຊຸກຍູ້ການທ່ອງທ່ຽວໃຫ້ພັດທະນາຢ່າງມີຄຸນນະພາບສູງ.
ງານວາງສະແດງການທ່ອງທ່ຽວຄັ້ງນີ້ຈະສຸມກຳລັງຈັດຕັ້ງປະຕິບັດຄວາມຮຽກຮ້ອງທີ່ກ່ຽວຂ້ອງທີ່ລະບຸໄວ້ໃນ “ວິໄສທັດຮອດປີ 2030 ຂອງການພົວພັນຄູ່ຮ່ວມຍຸດທະສາດຈີນ-ອາຊຽນ”, ເຊື່ອມໂຍງເຂົ້າກັບການສ້າງ “ໜຶ່ງແລວໜຶ່ງເສັ້ນທາງ” ຢ່າງເລິກເຊິ່ງ, ຮັບໃຊ້ການສ້າງປະຊາຄົມຮ່ວມຊາຕາກຳຈີນ-ອາຊຽນຢ່າງສະໜິດແໜ້ນກວ່າເກົ່າ ແລະ ຊຸກຍູ້ໃຫ້ການຮ່ວມມືດ້ານການທ່ອງທ່ຽວ “10+1” ຂະຫຍາຍໄປສູ່ປະເທດຕ່າງໆທີ່ຢູ່ຕາມ “ໜຶ່ງແລວໜຶ່ງເສັ້ນທາງ”.
ນັບແຕ່ງານວາງສະແດງການທ່ອງທ່ຽວຂອງງານສະແດງສິນຄ້າຈີນ-ອາຊຽນຈັດຂຶ້ນຢູ່ນະຄອນກຸ້ຍລີນເປັນຄັ້ງທຳອິດເປັນຕົ້ນມາ, ຮອດປັດຈຸບັນ ໄດ້ຈັດ 6 ຄັ້ງຢ່າງສຳເລັດຜົນແລ້ວ, ໄດ້ກາຍເປັນງານມະຫາກຳທີ່ເຮັດໃຫ້ການທ່ອງທ່ຽວຈີນ ແລະ ຕ່າງປະເທດເສື່ອມຈອດກັນ,ແລກປ່ຽນກັນ ແລະ ຮ່ວມມືກັນ ມີ 10 ປະເທດອາຊຽນເຂົ້າຮ່ວມງານສະແດງໝົດ, ເຊິ່ງເປັນງານວາງສະແດງສະເພາະງານທຳອິດໃນງານວາງສະແດງສິນຄ້າຈີນ-ອາຊຽນທີ່ໄດ້ບັນລຸເປົ້າໝາຍດັ່ງກ່າວ.