ມຽນມາອອກຖະແຫຼງການຄັດຄ້ານການຫັນບັນຫາສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19 ເປັນບັນຫາການເມືອງ
CRI, September 3, 2021
Size：
ວັນທີ 2 ກັນຍານີ້, ກະຊວງສາທາລະນະສຸກມຽນມາໄດ້ອອກຖະແຫຼງການລົງໃນໜັງສືພິມ “ແສງໃໝ່ແຫ່ງມຽນມາ” （The New Light of Myanmar）ທີ່ເປັນສື່ມວນຊົນທາງການຂອງມຽນມາ ໂດຍໄດ້ຊີ້ໃຫ້ເຫັນວ່າ: ມຽນມາຄັດຄ້ານການຫັນບັນຫາການສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19 ເປັນບັນຫາການເມືອງ, ປະຊາຄົມໂລກຄວນເພີ່ມທະວີຄວາມສາມັກຄີ ແລະປະສານງານກັນ, ຮ່ວມກັນຕ້ານກັບພະຍາດໂຄວິດ-19.
ຖະແຫຼງການດັ່ງກ່າວໄດ້ຊີ້ໃຫ້ເຫັນວ່າ: ປັດຈຸບັນນີ້, ພະຍາດໂຄວິດ-19 ພວມແຜ່ລະບາດໃນທົ່ວໂລກ, ປະຊາຄົມໂລກຄວນເພີ່ມທະວີຄວາມສາມັກຄີ ແລະປະສານງານກັນ ເພື່ອຕ້ານກັບພະຍາດຮ່ວມກັນ. ອີງຕາມການຄົ້ນຄວ້າທາງວິທະຍາສາດ, ການສັກວັກຊີນແມ່ນວິທີທີ່ດີທີ່ສຸດໃນການປ້ອງກັນພະຍາດໂຄວິດ-19, ມຽນມາຮຽກຮ້ອງໃຫ້ປະເທດທີ່ມີຄວາມສາມາດຜະລິດວັກຊີນໂຄວິດ-19 ຕັ້ງໜ້າດຳເນີນການຮ່ວມມືສາກົນ, ສະໜອງການຊ່ວຍເຫຼືອ ແລະການສະໜັບສະໜູນດ້ານວັກຊີນທີ່ຈຳເປັນແກ່ປະເທດພວມພັດທະນາ.
ຖະແຫຼງການຍັງຊີ້ໃຫ້ເຫັນວ່າ: ບັນຫາສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19 ແມ່ນບັນຫາຂອງວິທະຍາສາດ, ມຽນມາຄັດຄ້ານການຫັນບັນຫານີ້ເປັນບັນຫາການເມືອງ, ຄັດຄ້ານການກົດດັນປະເທດອື່ນໃນຂະບວນການສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19.