ອົງການ WHO: ວັກຊີນສາມາດປ້ອງກັນອາການໜັກແລະການເສຍຊີວິດຍ້ອນເດວຕາຢ່າງມີປະສິດທິຜົນ
CRI, August 19, 2021
Size：
Size：
ວັນທີ 18 ສິງຫານີ້, ທ່ານນາງຊຸມເມຍ ສະວາມີນາທານ ນັກວິທະຍາສາດຂອງອົງການອະນາໄມໂລກຫຼື WHO ກ່າວໃນກອງປະຊຸມຖະແຫຼງຂ່າວຂອງອົງການດັ່ງກ່າວວ່າ: ໄວຣັດໂຄວິດ-19 ກາຍພັນເດວຕາມີລັກສະນະຕິດແປດຢ່າງຮ້າຍແຮງ ໂດຍໄດ້ປາກົດມີກໍລະນີທີ່ຕິດໄວຣັດນີ້ຫຼັງໄດ້ສັກວັກຊີນແລ້ວ. ແຕ່ວັກຊີນຈະສາມາດປ້ອງກັນອາການໜັກແລະການເສຍຊີວິດຍ້ອນກາຍພັນເດວຕາຢ່າງມີປະສິດທິຜົນ.
ທ່ານນາງຊຸມເມຍ ສະວາມີນາທານ ຍັງກ່າວເນັ້ນວ່າ: ການໃສ່ຜ້າປິດປາກກໍສຳຄັນຫຼາຍ, ຜົນການຄົ້ນຄວ້າໃນຫວ່າງມໍ່ໆມານີ້ໄດ້ຊີ້ໃຫ້ເຫັນວ່າ: ຢູ່ປະເທດທີ່ມີອັດຕາການສັກວັກຊີນສູງສົມຄວນນັ້ນ, ບວກກັບການທີ່ທຸກຄົນກໍໃສ່ຜ້າປິດປາກ ຈະສາມາດຫຼຸດຜ່ອນການແຜ່ລະບາດຢູ່ເຂດຊຸມຊົນໄດ້ດີກວ່າເກົ່າ.