ມຽນມາໄດ້ປະກາດຄຳສັ່ງຫ້າມສັນຈອນໄປມາເພື່ອປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ເພີ່ມອີກ 18 ເຂດ
CRI, July 14, 2021
Size：
ຕອນຄ່ຳວັນທີ 11 ກໍລະກົດນີ້ຕາມເວລາທ້ອງຖິ່ນ, ກະຊວງສາທາລະນະສຸກແລະກິລາມຽນມາປະກາດວ່າ: ໄດ້ປະຕິບັດຄຳສັ່ງຫ້າມສັນຈອນໄປມາເພື່ອປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ເພີ່ມອີກ 18 ເຂດ, ຄຳສັ່ງຈະເລີ່ມປະຕິບັດແຕ່ເວລາ 4 ໂມງຂອງວັນທີ 12 ກໍລະກົດນີ້. ນັບມາຮອດປັດຈຸບັນ, ເຂດທີ່ປະຕິບັດຄຳສັ່ງຫ້າມສັນຈອນໄປມາເພື່ອປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ຢູ່ມຽນມາມີເຖິງ 57 ແຫ່ງ.
ພ້ອມດຽວກັນນີ້, ພາກສ່ວນສາທາລະນະສຸກມຽນມາຍັງໄດ້ປະກາດວ່າ: ໃນຈຳນວນ 10.117 ຕົວຢ່າງທີ່ສົ່ງໄປກວດຫາເຊື້ອພະຍາດໃນວັນທີ 11 ກໍລະກົດນີ້, ໄດ້ກວດພົບຜູ້ຖືກບົ່ງມະຕິເປັນພະຍາດໂຄວິດ-19 ຈຳນວນ 3461 ກໍລະນີ, ອັດຕາພົບເຊື້ອພະຍາດມີເຖິງ 34%, ໃນມື້ດຽວກັນ, ຍັງມີຜູ້ເສຍຊີວິດຍ້ອນເປັນພະຍາດໂຄວິດ-19 ເພີ່ມຈຳນວນ 82 ຄົນ, ເຊິ່ງເປັນລະດັບສູງສຸດພາຍຫຼັງມຽນມາເກີດມີການແຜ່ລະບາດເປັນຕົ້ນມາ. ໄລຍະມໍ່ໆມານີ້, ພະຍາດໂຄວິດ-19 ໄດ້ແຜ່ລະບາດຢ່າງວ່ອງໄວຢູ່ມຽນມາ, ປັດຈຸບັນ, ໄດ້ເກີດມີສະພາບການທີ່ອົງການປິ່ນປົວບໍ່ສາມາດຮັບຜູ້ເປັນພະຍາດໄດ້ທັງໝົດ ແລະຄົນເຈັບຍາດຊື້ເຄື່ອງຊ່ວຍຫາຍໃຈ.