ວັນທີ 13 ເມສານີ້, ທ່ານນາງອໍລະມົນ ຊັບທະວີທຳ ຫົວໜ້າກົມເຈລະຈາການຄ້າສາກົນຂອງກະຊວງການຄ້າໄທກ່າວວ່າ: ໃນ 2 ເດືອນຕົ້ນປີນີ້, ມູນຄ່າການສົ່ງອອກໝາກໄມ້ຂອງໄທໄດ້ບັນລຸເຖິງ 461 ລ້ານໂດລາສະຫະລັດ, ເມື່ອທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 107%, ຈີນແລະອາຊຽນແມ່ນຕະຫຼາດສົ່ງອອກໝາກໄມ້ໃຫຍ່ທີ່ສຸດຂອງໄທ.
ທ່ານນາງອໍລະມົນ ຊັບທະວີທຳຍັງ ກ່າວວ່າ: ພາຍໃຕ້ສະພາບການທີ່ເສດຖະກິດໂລກໄດ້ຮັບຜົນສະທ້ອນຈາກການແຜ່ລະບາດຂອງພະຍາດໂຄວິດ-19, ມູນຄ່າການສົ່ງອອກໝາກໄມ້ຂອງໄທພັດໄດ້ເພີ່ມຂຶ້ນ, ນີ້ຍ້ອນວ່າໄດ້ຮັບໄດ້ຜົນປະໂຫຍດຈາກການເຊັນສັນຍາການຄ້າເສລີຂອງໄທກັບ 18 ປະເທດແລະເຂດແຄວ້ນລວມທັງປະເທດຈີນ, ໝາກໄມ້ຂອງໄທສົ່ງອອກໄປໃຫ້ປະເທດເຫຼົ່ານີ້ໂດຍປອດພາສີ. ນອກນັ້ນ, ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນຫຼື RCEP ທີ່ລົງນາມໃນເດືອນພະຈິກປີກາຍນີ້ກໍຈະຊຸກຍູ້ໃຫ້ການສົ່ງອອກໝາກໄມ້ຂອງໄທເພີ່ມຂຶ້ນຕື່ມອີກ.