ວັນທີ 6 ເມສານີ້, ທ່ານວ່າງຢາງ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ສົ່ງສານຊົມເຊີຍໄປຍັງທ່ານສິນລະວົງ ຄຸດໄພທູນ ທີ່ໄດ້ຮັບເລືອກຕັ້ງເປັນປະທານຄະນະກຳມະການສູນກາງແນວ ລາວສ້າງຊາດ.
ໃນສານຊົມເຊີຍຂອງທ່ານວ່າງຢາງລະບຸວ່າ: ຈີນແລະລາວເປັນສອງປະເທດທີ່ມີພູຜາແມ່ນ້ຳຕິດຈອດກັນ, ມີໄມຕີຈິດມິດຕະພາບອັນຍາວນານຫຼັງຈາກໄດ້ສ້າງຕັ້ງສາຍພົວພັນທາງການທູດ 60 ປີມານີ້, ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ,ການພົວພັນລະຫວ່າງຈີນກັບລາວໄດ້ຂະຫຍາຍຕົວຢ່າງຕໍ່ເນື່ອງ, ການແລກປ່ຽນແລະຮ່ວມມືກັນລະຫວ່າງສະພາປຶກສາການເມືອງປະຊາຊົນແຫ່ງຊາດຈີນກັບຄະນະກຳມະການສູນກາງແນວລາວສ້າງຊາດກໍນັບມື້ນັບເພີ່ມຂຶ້ນ. ຂ້າພະເຈົ້າຍິນດີກັບທ່ານປະທານສິນລະວົງຮ່ວມກັນຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນຂອງຜູ້ນຳສູງສຸດຂອງສອງພັກສອງຊາດຢ່າງຕັ້ງອົກຕັ້ງໃຈ,ຍົກລະດັບການຮ່ວມມືລະຫວ່າງສະພາປຶກສາການເມືອງປະຊາຊົນແຫ່ງຊາດຈີນກັບຄະນະກຳມະການສູນກາງແນວລາວສ້າງຊາດໃຫ້ສູງຂຶ້ນ, ປະກອບສ່ວນອັນໃໝ່ເຂົ້າໃນການສົ່ງເສີມໄມຕິຈິດມິດຕະພາບອັນເປັນມູນເຊື້ອລະຫວ່າງຈີນ-ລາວ ແລະສ້າງສາປະຊາຄົມຮ່ວມຊາຕາກຳຈີນ-ລາວ.