ໃນກອງຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ IX ທີ່ໄຂຂຶ້ນໃນວັນທີ 22 ມີນາ 2021 ທີ່ຫໍສະພາແຫ່ງຊາດ, ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ໄດ້ຮັບເລືອກຕັ້ງເປັນປະທານປະເທດ ແຫ່ງ ສປປ ລາວ ຄົນໃໝ່.
* ວັນ, ເດືອນ, ປີເກີດ: 10/11/1945
* ຊົນເຜົ່າ: ລາວ
* ທ້ອງຖິ່ນກໍາເນີດ:ແຂວງຫົວພັນ
* ວັນ, ເດືອນ, ປີເຂົ້າການປະຕິວັດ: 25/5/1962
* ວັນ, ເດືອນ, ປີເຂົ້າພັກສໍາຮອງ: 10/11/1972
* ວັນ, ເດືອນ, ປີເຂົ້າພັກສົມບູນ: 28/8/1973
* ລະດັບການສຶກສາ: ມ6
* ລະດັບວິຊາສະເພາະ:ປະລິນຍາເອກ,ວິຊາ:ພົວພັນການຕ່າງປະເທດ
* ລະດັບທິດສະດີການເມືອງ:ປະລິນຍາເອກ
* ໜ້າທີ່ຮັບພິດຊອບປະຈຸບັນ:ຕໍາແໜ່ງພັກ,ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ
* ຕໍາແໜ່ງລັດ:ປະທານປະເທດແຫ່ງສປປລາວ
ການເຄື່ອນໄຫວແຕ່ລະໄລຍະ
*ປີ1963-1965ເປັນເລຂານຸການຜູ້ອໍານວຍການໂຮງຮຽນສ້າງຄູຊັ້ນຕົ້ນ
*ປີ1967-1969ເປັນພະນັກງານຮຽບຮຽນຕໍາລາການຮຽນ-ການສອນພະແນກສຶກສາສູນກາງແນວລາວສ້າງຊາດ.
*ປີ 1978-1979 ເປັນອາຈານສອນຢູ່ມະຫາວິທະຍາໄລສ້າງຄູດົງໂດກ.
*ປີ1979-1981ເປັນຫົວໜ້າພະແນກພົວພັນຕ່າງປະເທດແລະເປັນເລຂາຮອງລັດຖະມົນຕີກະຊວງສຶກສາ.
*ປີ 1981-1985 ໄປຄົ້ນຄວ້າຢູ່ສະຖາບັນວິທະຍາສາດສັງຄົມມົດສະກູ.
*ປີ1985-1986ເປັນຫົວໜ້າກົມ,ຮອງທະບວງສັງລວມຂ່າວຫ້ອງວ່າການສູນກາງພັກ.
*ປີ1986-1993ເປັນກໍາມະການສູນກາງພັກ,ຫົວໜ້າຄະນະວິໄຈການເມືອງສູນກາງພັກ,ຮອງຫົວໜ້າຄະນະພົວພັນຕ່າງປະເທດສູນກາງພັກ,ຮອງລັດຖະມົນຕີກະຊວງການຕ່າງປະເທດ.
*ປີ1993-1998 ເປັນລັດຖະມົນຕີກະຊວງແຮງງານແລະ ສະຫວັດດີການສັງຄົມ.
*1998-2001ເປັນສະມາຊິກສະພາ,ຜູ້ປະຈໍາການຄະນະປະຈໍາສະພາ,ຫົວໜ້າກໍາມາທິການຕ່າງປະເທດ.
*ປີ2001-2005ເປັນກໍາມະການກົມການເມືອງສູນກາງພັກ,ຮອງນາຍົກລັດຖະມົນຕີ, ລັດຖະມົນຕີກະຊວງແຜນການແລະ ການລົງທຶນ
*2006-4/2016ຖືກເລືອກຕັ້ງເປັນກົມການເມືອງສູນກາງພັກ,ຮອງນາຍົກລັດຖະມົນຕີກະຊວງການຕ່າງປະເທດ.
*20/4/2016ຮັບເລືອກຕັ້ງຈາກກອງປະຊຸມຄັ້ງປະຖົມມະລຶກສະພາແຫ່ງຊາດຄັ້ງທີVIII ໃຫ້ເປັນນາຍົກລັດຖະມົນຕີ.
*15/1/2021 ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ
*22/3/2021 ຮັບເລືອກຕັ້ງເປັນປະທານປະເທດແຫ່ງສປປລາວ.