លោក Xi Jinping ប្រធានរដ្ឋចិន ផ្ញើសារថ្វាយព្រះករុណា ព្រះបាទសម្តេច ព្រះបរមនាថ នរោត្តម សីហមុនី ដើម្បីអបអរសាទរខួបទី ៧២ នៃទិវាបុណ្យឯករាជ្យជាតិនៃព្រះរាជាណាចក្រកម្ពុជា

កាលពីថ្ងៃទី ៩ ខែវិច្ឆិកា លោក Xi Jinping ប្រធានរដ្ឋចិនបានផ្ញើសារថ្វាយព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាដើម្បីអបអរសាទរខួបទី ៧២ នៃទិវាបុណ្យឯករាជ្យជាតិនៃព្រះរាជាណាចក្រកម្ពុជា ។

លោក Xi Jinping បានលើកឡើងថា ក្នុងរយៈពេល ៧២ ឆ្នាំកន្លងមកនេះ ប្រទេសកម្ពុជាបានស្វែងរកយ៉ាងសកម្មនូវមាគ៌ាអភិវឌ្ឍន៍ដែលសមស្របទៅនឹងលក្ខខណ្ឌជាតិរបស់ខ្លួន ដោយបានរក្សាស្ថិរភាពនយោបាយ សម្រេចបាននូវការអភិវឌ្ឍសេដ្ឋកិច្ចប្រកបដោយស្ថិរភាព និងធ្វើឲ្យប្រជាជនមានជីវភាពកាន់តែល្អប្រសើរ ។ ភាគីចិនមានសេចក្តីសោមនស្សរីករាយដោយស្មោះចំពោះករណីនេះ ហើយនឹងបន្តគាំទ្រយ៉ាងមុតមាំចំពោះប្រទេសកម្ពុជាក្នុងការរក្សាស្ថិរភាពជាតិ ប្រកាន់ខ្ជាប់ភាពឯករាជ្យជាម្ចាស់ការ និងសម្រេចបាននូវការអភិវឌ្ឍ។

លោក Xi Jinping  បានបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ការកសាងសហគមន៍ជោគវាសនារួមចិន-កម្ពុជាទទួលបានផ្លែផ្កាជាច្រើន ការកសាងទំនុកចិត្តខាងនយោបាយមានភាពស៊ីជម្រៅជាបន្តបន្ទាប់ កិច្ចសហប្រតិបត្តិការជាក់ស្តែងត្រូវបានពង្រីក ការផ្លាស់ប្តូរប្រជាជននិងប្រជាជនទទួលបានការរីកចម្រើន ដែលបាននាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។ ខ្ញុំយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងចិន-កម្ពុជា ហើយមានឆន្ទៈធ្វើការជាមួយព្រះមហាក្សត្រ ដើម្បីដឹកនាំការកសាងសហគមន៍ជោគវាសនារួមគ្រប់រដូវកាលក្នុងយុគសម័យថ្មីរវាងចិននិងកម្ពុជាមានភាពស៊ីជម្រៅនិងភាពប្រាកដប្រជា សំដៅផ្តល់ផលប្រយោជន៍កាន់តែច្រើនដល់ប្រជាជននៃប្រទេសទាំងពីរ។