សកម្មភាពឆ្លើយតបន្ទាន់រួមដើម្បីប្រយុទ្ធប្រឆាំងជំងឺរាតត្បាតធំៗឆ្លងព្រំដែន ចិន-ឡាវ-វៀតណាម ឆ្នាំ ២០២៥ ប្រារព្ធនៅខេត្តយូណាន

កាលពីថ្ងៃទី ១៤ ដល់ថ្ងៃទី ១៥ ខែតុលា សកម្មភាពឆ្លើយតបបន្ទាន់រួមដើម្បីប្រយុទ្ធប្រឆាំងជំងឺរាតត្បាតធំៗឆ្លងព្រំដែន ចិន-ឡាវ-វៀតណាម ឆ្នាំ ២០២៥ បានប្រារព្ធឡើងដោយជោគជ័យនៅក្នុងស្រុកជាំងឆឹង ទីក្រុងភូអឺ ខេត្តយូណាន។ តំណាងសរុប ២៤១ នាក់ដែលមកពីក្រសួងសុខាភិបាល មន្ទីរសុខាភិបាល និងស្ថាប័នសុខាភិបាលនៃខេត្តក្រុងជាប់ព្រំដែនរបស់ប្រទេសវៀតណាម និងឡាវ មជ្ឈមណ្ឌលគ្រប់គ្រង និងបង្ការជំងឺប្រទេសចិន និងក្រុមការងារឆ្លើយតបបន្ទាន់ផ្នែកសុខភាពថ្នាក់ខេត្ត មណ្ឌល(ក្រុង) និងស្រុកនៃខេត្តយូណាន បានចូលរួមក្នុងសកម្មភាពនេះ។

សកម្មភាពនេះបានធ្វើការហាត់សមឆ្លើយតបទៅនឹងជំងឺរាតត្បាតឆ្លងព្រំដែន ពង្រឹងបន្ថែមទៀតនូវយន្តការរួមស្តីពីការបង្ការ និងគ្រប់គ្រងជំងឺរាតត្បាតឆ្លងព្រំដែន ព្រមទាំងបានលើកកម្ពស់ និងពង្រឹងសមត្ថភាពស្នូលនៃក្រុមការងារឆ្លើយតបបន្ទាន់ផ្នែកសុខភាពនៅតាមតំបន់ព្រំដែននៃប្រទេសចិន ឡាវ និងវៀតណាម រួមទាំងការឆ្លើយតបរហ័ស សកម្មភាពចល័តសម្រាប់ការដោះស្រាយពីចម្ងាយ និងការឆ្លើយតបនៅនឹងកន្លែង ដែលបានចូលរួមចំណែកយ៉ាងសកម្មក្នុងការថែរក្សាសន្តិសុខសុខភាពសាធារណៈ និងបង្កើនការត្រៀមខ្លួន និងការឆ្លើយតបយ៉ាងទូលំទូលាយចំពោះការផ្ទុះឡើងនៃជំងឺរាតត្បាតធំៗនៅតាមតំបន់ព្រំដែន។