ពិព័រណ៍ផលិតផលនាំចេញ-នាំចូលចិន (ក្វាំងចូវ) លើកទី ១៣៨ បើកធ្វើ ចំនួនពាណិជ្ជករបញ្ជាទិញអន្តរជាតិ ដែលចុះឈ្មោះទុកជាមុនបានកើនឡើង 10%

       ថ្ងៃទី ១៥ ខែតុលា ឆ្នាំ២០២៥  ពិព័រណ៍ផលិតផលនាំចេញ-នាំចូលចិន (ក្វាំងចូវ) លើកទី ១៣៨ បានបើកធ្វើ  ជាមួយនឹងផ្ទៃក្រឡាសម្រាប់តាំងបង្ហាញមានទំហំដល់ទៅ 155  ម៉ឺនម៉ែត្រការ៉េ  ស្តង់ពិព័រណ៍ចំនួន 7 ម៉ឺន 4 ពាន់ 6 រយស្តង់   និងសហគ្រាសចូលរួមលើសពី 3 ម៉ឺន 2 ពាន់សហគ្រាស ដែលជាកំណត់ត្រាថ្មីក្នុងប្រវត្តិសាស្ត្រ។  

     គិតត្រឹមបច្ចុប្បន្ន    ពិព័រណ៍ផលិតផលនាំចេញ-នាំចូលចិន (ក្វាំងចូវ) លើកទី ១៣៨  បានទាក់ទាញពាណិជ្ជករបញ្ជាទិញចំនួន ២៤ ម៉ឺននាក់ដែលមកពីប្រទេសនិងតំបន់ចំនួន 218 ឱ្យចុះឈ្មោះទុកជាមុន ដែលបានកើនឡើង10%  បើធៀបនឹងពិព័រណ៍លើកមុន ។ ក្នុងនោះ កំណើនពាណិជ្ជករបញ្ជាទិញមកពីសហភាពអឺរ៉ុប សហរដ្ឋអាមេរិក និងបណ្តាប្រទេសដែលរួមគ្នាកសាងខ្សែក្រវាត់និងផ្លូវបានកើនឡើងយ៉ាងច្បាស់។

      ពាណិជ្ជករបញ្ជាទិញអន្តរជាតិបានថ្លែងថា ទីនេះកំពុងកសាងអនាគតនៃពាណិជ្ជកម្មនិងសេដ្ឋកិច្ច។

       សូមបញ្ជាក់ថា    ពិព័រណ៍ផលិតផលនាំចេញ-នាំចូលចិន (ក្វាំងចូវ) ចាប់ប្រារព្ធធ្វើពីឆ្នាំ1957  មក។  បច្ចុប្បន្ន   ពិភពលោកកំពុងជួបនឹងការវិវឌ្ឍខ្លាំងនៃបម្រែបម្រួលនិម្មាបនកម្មដែលមិនធ្លាប់មានក្នុងមួយរយឆ្នាំ  ក្នុងបរិបទដែលវិបត្តិសេដ្ឋកិច្ចលេចចេញជាបន្តបន្ទាប់  ជម្លោះពន្ធគយកាន់តែឡើងកម្តៅ    ចំនួនអ្នកចូលរួមនិងទ្រង់ទ្រាយនៃពិព័រណ៍ផលិតផលនាំចេញ-នាំចូលចិន (ក្វាំងចូវ) បានបង្កើតកំណត់ត្រាថ្មីជាប់រហូត ដែលបានបង្ហាញឱ្យឃើញថា ពិព័រណ៍លំដាប់ទីមួយរបស់ចិនមួយនេះកំពុងបំពេញបន្ថែមស្ថិរភាពដល់ពាណិជ្ជកម្មអន្តរជាតិ ហើយក៏បញ្ជាក់ម្តងទៀតថា សេដ្ឋកិច្ចចិនជា«មហាសមុទ្រ» ដែលមិនខ្លាចការវាយប្រហារពីព្យុះភ្លៀងនោះទេ៕