មហោស្រពវប្បធម៌ និងសិល្បៈឡានឆាង-មេគង្គ លើកទី ១៣ នឹងបើកសម្ពោធ

កាលពីថ្ងៃទី ៥ ខែកញ្ញា សន្និសីទសារព័ត៌មាននៃមហោស្រពវប្បធម៌ និងសិល្បៈ ឡានឆាង-មេគង្គ លើកទី ១៣ បានប្រារព្ធនៅទីក្រុងគុនមីង។ មហោស្រពវប្បធម៌ និងសិល្បៈ ឡានឆាង-មេគង្គ លើកទី ១៣ នេះនឹងប្រារព្ធឡើងនៅមណ្ឌលស៊ីសាំងប៉ានណា ចាប់ពីថ្ងៃទី ១ ដល់ទី ៣ ខែតុលា។

ក្នុងរាត្រីសមោសរនៃពិធីសម្ពោធបើក ក្រុមសិល្បៈមកពីប្រទេសនានាតាមបណ្តោយទន្លេឡានឆាង-មេគង្គ នឹងចូលរួមការសម្តែងកម្មវិធីសិល្បៈជាមួយគ្នា។ គួរបញ្ជាក់ថា កម្មវិធីសម្តែងសិល្បៈដែលមានគុណភាពខ្ពស់ចំនួន ២ ការតាំងពិព័រណ៍សិល្បៈចំនួន ៣ និងសិក្ខាសាលាផ្លាស់ប្តូរគ្នាចំនួន ៣ នឹងត្រូវបានរៀបចំឡើងក្នុងឱកាសនេះ។

ក្នុងនាមជាច្រកតាមព្រំដែននៃការបើកចំហទៅកាន់តំបន់អាស៊ីខាងត្បូង និងអាស៊ីអាគ្នេយ៍ មណ្ឌលស៊ីសាំងប៉ានណាបានរក្សាការផ្លាស់ប្តូរជាញឹកញាប់ជាមួយបណ្តាប្រទេសនៅតាមបណ្តោយទន្លេឡានឆាង-មេគង្គ។ នៅឆ្នាំ ១៩៩២ តាមគំនិតផ្តួចផ្តើមរួមគ្នានៃមណ្ឌលស៊ីសាំងប៉ានណា និងខេត្ត Chiang Rai ប្រទេសថៃ "មហោស្រពវប្បធម៌ និងសិល្បៈតាមតំបន់ព្រំដែន" នឹងត្រូវបានរៀបចំឡើងតាមពេលកំណត់ក្នុងទីក្រុងនានាតាមព្រំដែននៃប្រទេសចិន ឡាវ មីយ៉ាន់ម៉ា ថៃ កម្ពុជា និងវៀតណាម។ នៅឆ្នាំ ២០១១ វាត្រូវបានផ្លាស់ឈ្មោះទៅជា "មហោស្រពវប្បធម៌ និងសិល្បៈ ឡានឆាង-មេគង្គ" ដែលមកដល់បច្ចុប្បន្ននេះបានប្រារព្ធដោយជោគជ័យអស់រយៈពេល ១២ ឆ្នាំ។