៧ ខែដើមឆ្នាំនេះ ទំហំសរុបនៃពាណិជ្ជកម្មនាំចេញនាំចូលខាងសេវាកម្មរបស់ចិនបានកើនឡើង ៨,២ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន

    តាមទិន្នន័យដែលក្រសួងពាណិជ្ជកម្មចិនបានចេញផ្សាយនៅថ្ងៃទី ៥ ខែកញ្ញាបានឱ្យដឹងថា ចាប់ពីខែមករាដល់ខែកក្កដា ឆ្នាំ ២០២៥ ពាណិជ្ជកម្មសេវាកម្មរបស់ប្រទេសចិនមានសន្ទុះកើនឡើងជាលំដាប់ ទំហំសរុបនៃពាណិជ្ជកម្មនាំចេញនាំចូលខាងសេវាកម្មរបស់ចិនមានចំនួន ៤,៥៧៨១៦ ទ្រីលានយាន់ប្រាក់ចិនដែលបានកើនឡើង ៨,២ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ។

    តាមទិន្នន័យបង្ហាញថា ចាប់ពីខែមករាដល់ខែកក្កដា ការនាំចេញខាងសេវាកម្មរបស់ចិនមានចំនួន ១៩៩៨,៣ ប៊ីលានយាន់ប្រាក់ចិន បានកើនឡើង ១៥,៣ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ឯការនាំចូលខាងសេវាកម្មមានចំនួន ២៥៧៩,៨៦ ប៊ីលានយាន់ប្រាក់ចិន បានកើនឡើង ៣,៣ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ។

    បើមើលឱ្យបានជាក់ស្តែងអាចឃើញថា ពាណិជ្ជកម្មសេវាកម្មផ្អែកលើជំនាញបានរក្សាកំណើន ។ ចាប់ពីខែមករាដល់ខែកក្កដា ការនាំចេញនាំចូលខាងពាណិជ្ជកម្មសេវាកម្មផ្អែកលើជំនាញមានចំនួន ១៧៧៥,៦ ប៊ីលានយាន់ប្រាក់ចិន បានកើនឡើង ៦,៨ ភាគរយបើប្រៀបធៀបនឹងរយៈពេលដូចគ្នានៃឆ្នាំ ២០២៤ ។ ការនាំចេញខាងសេវាកម្មទេសចរណ៍មានកំណើនលឿនបំផុត ។ ចាប់ពីខែមករាដល់ខែកក្កដា ការនាំចេញនាំចូលខាងសេវាកម្មទេសចរណ៍មានចំនួន ១២៥៩,៤៦ ប៊ីលានយាន់ប្រាក់ចិន បានកើនឡើង ១០,៤ ភាគរយបើប្រៀបធៀបនឹងរយៈពេលដូចគ្នានៃឆ្នាំ ២០២៤ ។ ក្នុងនោះ ការនាំចេញបានកើនឡើង ៦២,៩ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ឯការនាំចូលបានកើនឡើង ៣,៩ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ៕