វគ្គសិក្ខាសាលាស្តីពីការសាងសង់ហេដ្ឋារចនាសម្ព័ន្ធឌីជីថល ចិន-ប្រទេសទន្លេមេគង្គ ប្រារព្ធដោយជោគជ័យនៅទីក្រុងឆុងឈីង

កាលពីថ្ងៃទី ១៧ ដល់ទី ៣០ ខែមិថុនា វគ្គសិក្ខាសាលាស្តីពីការសាងសង់ហេដ្ឋារចនាសម្ព័ន្ធឌីជីថល ចិន-ប្រទេសទន្លេមេគង្គ បានប្រារព្ធដោយជោគជ័យនៅទីក្រុងឆុងឈីង ក្រោមប្រធានបទ"ការសាងសង់ហេដ្ឋារចនាសម្ព័ន្ធឌីជីថល"។ មន្ត្រីរដ្ឋាភិបាល និងអ្នកបច្ចេកទេសជិត ៣០ រូបដែលមកពីប្រទេសឡាវ កម្ពុជា មីយ៉ាន់ម៉ា វៀតណាម និងថៃ បានចូលរួមក្នុងវគ្គសិក្ខាសាលានេះ។

ក្នុងអំឡុងពេលវគ្គសិក្ខាសាលា សិក្ខាកាមបានសិក្សា និងផ្លាស់ប្តូរយ៉ាងស៊ីជម្រៅលើប្រធានបទដូចជា ហេដ្ឋារចនាសម្ព័ន្ធឌីជីថល រដ្ឋាភិបាលឌីជីថល បញ្ញាសិប្បនិម្មិត និងឧស្សាហកម្មការគណនាជាដើម ដោយមានអ្នកជំនាញ និងអ្នកស្រាវជ្រាវជាង ២០ រូបមកពីស្ថាប័នពាក់ព័ន្ធ សមាគមឧស្សាហកម្ម សហគ្រាសសំខាន់ៗ សាកលវិទ្យាល័យ និងអង្គភាពផ្សេងៗទៀត តាមរយៈទម្រង់ផ្សេងៗដូចជា ការធ្វើបទបង្ហាញពិសេស ការសិក្សាជាក់ស្តែង និងកម្មវិធីវប្បធម៌។ល។ ក្នុងឱកាសនោះ សិក្ខាកាមក៏បានទៅទស្សនាតំបន់ឧស្សាហកម្ម សាលាវិជ្ជាជីវៈ និងសហគ្រាសបច្ចេកវិទ្យាកម្រិតខ្ពស់ ដោយបានធ្វើការសិក្សាស្រាវជ្រាវ និងទទួលយកបទពិសោធន៍ពីការប្រើប្រាស់ជាក់ស្តែងនូវបច្ចេកវិទ្យាឌីជីថល និងស្វែងយល់កាន់តែច្បាស់អំពីស្ថានភាពអភិវឌ្ឍន៍របស់ទីក្រុងឆុងឈីង ក្នុងវិស័យបច្ចេកវិទ្យា ៥G បញ្ញាសិប្បនិម្មិត និងផលិតកម្មឆ្លាតវៃ។ល។ ដែលបានកសាងមូលដ្ឋានគ្រឹះសម្រាប់ការលើកកម្ពស់កិច្ចសហប្រតិបត្តិការអន្តរជាតិក្នុងការសាងសង់ហេដ្ឋារចនាសម្ព័ន្ធឌីជីថលរួម និងរួមគ្នាជំរុញការកសាងបរិយាបន្នឌីជីថល និងសហគមន៍ឡានឆាង-មេគង្គ ដែលមានការផ្សារភ្ជាប់នឹងគ្នា។