លោក Xi Jinping ជួបសន្ទនាជាមួយ លោក Lawrence Wong

      ព្រឹកថ្ងៃទី ២៤ ខែមិថុនា  នៅទីក្រុងប៉េកាំង  លោក Xi Jinping ប្រធានរដ្ឋចិនបានជួបសន្ទនាជាមួយលោក Lawrence Wong  នាយករដ្ឋមន្ត្រីសិង្ហបុរី  ដែលអញ្ជើញបំពេញទស្សនកិច្ចផ្លូវការនៅប្រទេសចិន។

       លោក Xi Jinping បានលើកឡើងថា កិច្ចសហប្រតិបត្តិការជាកម្លាំងជំរុញដ៏សំខាន់ចំពោះការកសាងទំនើបកម្មរបស់ប្រទេសទាំងពីរ ចិននិងសិង្ហបុរី។   ពិភពលោកមិនអាចដើរថយក្រោយទៅរកអនុត្តរភាពនិយមឡើងវិញនោះទេ   ហើយក៏មិនគួរវិលទៅរកច្បាប់ព្រៃដែលខ្លាំងស៊ីខ្សោយនោះឡើយ។   ភាគីចិនមានឆន្ទៈរួមជាមួយភាគីសិង្ហបុរី ឈរនៅម្ខាងត្រឹមត្រូវនៃប្រវត្តិសាស្ត្រិ ឈរនៅម្ខាងសច្ចយុត្តិធម៌   ផ្តួចផ្តើមពីពិភពលោកពហុប៉ូល   និងសកលភាវូបនីយកម្មសេដ្ឋកិច្ច    ដើម្បីជំរុញឱ្យពិភពលោកឆ្ពោះទៅកាន់អនាគតដ៏ភ្លឺស្វាង  ដែលប្រកបដោយសន្តិភាព សន្តិសុខ រុងរឿង និងរីកចម្រើន។

         ជាការឆ្លើយតប  លោក Lawrence Wong  បានថ្លែងថា  សិង្ហបុរីនិងចិនគោរពគ្នាទៅវិញទៅមក ជឿទុកចិត្តគ្នាទៅវិញទៅមក  ។ សិង្ហបុរីមានឆន្ទៈប្រើប្រាស់ឱ្យបានពេញលេញនូវកាលានុវត្តភាពដែលបានមកពីការរីកចម្រើនរបស់ចិន មានឆន្ទៈរួមគ្នាគាំពារពហុនិភាគីយមនិងសណ្តាប់ធ្នាប់អន្តរជាតិ  ជឿជាក់ថា ប្រទេសចិននឹងដើរតួនាទីកាន់តែសំខាន់ក្នុងការគាំពារសន្តិភាពពិភពលោក៕