កិច្ចប្រជុំកំពូលអាស៊ានអនុម័ត «សេចក្តីប្រកាសគូឡាឡាំពួ» ដែលផ្តោតលើការបង្កើនសមាហរណកម្មក្នុងតំបន់

       លោក Anwar  នាយករដ្ឋមន្ត្រីម៉ាឡេស៊ីដែលជាប្រធានផ្លាស់វេននៃអាស៊ានបានថ្លែងក្នុងពិធីចុះហត្ថលេខាលើ«សេចក្តីប្រកាសគូឡាឡាំពួ» នៃកិច្ចប្រជុំកំពូលអាស៊ានលើកទី ៤៦ នាថ្ងៃទី ២៦ ខែឧសភាថា    ប្រទេសអាស៊ាននឹងពួតដៃគ្នាដើម្បីពង្រឹងឋានៈសំខាន់ដែលជាសសទ្រូតសម្រាប់លំនឹងស្ថិរភាពសកលលោកនិងជាអង្គភាពសេដ្ឋកិច្ចងើបឡើងថ្មី។

        គួររំលឹកថា   កិច្ចប្រជុំកំពូលអាស៊ានលើកទី ៤៦ បានបើកធ្វើនៅទីក្រុងគូឡាឡាំពួ រដ្ឋធានីម៉ាឡេស៊ី។ ល្ងាចថ្ងៃដដែល  កិច្ចប្រជុំកំពូលបានអនុម័តលើ «សេចក្តីប្រកាសគូឡាឡាំពួ» ជាផ្លូវការ  ដែលនឹងផ្តល់ជាមតិយោបល់ណែនាំនិងជាផែនការអភិវឌ្ឍន៍អាស៊ានក្នុងរយៈពេល ២០ ឆ្នាំខាងមុខនេះ។

        លោក Anwar  បានថ្លែងថា   «សេចក្តីប្រកាសគូឡាឡាំពួ» មិនគ្រាន់តែជាឯកសារណែនាំអំពីការអភិវឌ្ឍប៉ុណ្ណោះទេ  ប៉ុន្តែថែមទាំងជាពាកសន្យារួម នៃបណ្តារដ្ឋសមាជិកអាស៊ានចំពោះអនាគតក្នុងតំបន់  ដែលបានបង្ហាញពីការសម្រេចចិត្តរបស់ប្រទេសនានាចំពោះការប្រកាន់ខ្ជាប់ពហុភាគីនិយមនិងការធ្វើកិច្ចសហប្រតិបត្តិការឈ្នះ-ឈ្នះ៕