ជនល្មើសឆបោកតាមអនឡាញជនជាតិចិនសរុបចំនួន ២៨៧៦ នាក់មកពីតំបន់ Myawaddy របស់ប្រទេសមីយ៉ាន់ម៉ាត្រូវបាននាំត្រឡប់ទៅប្រទេសចិនវិញតាមប្រទេសថៃ

ថ្ងៃទី ១៤ ខែមីនា អ្នកសារព័ត៌មានបានទទួលដំណឹងពីក្រសួងសន្តិសុខសាធារណៈចិនថា ស្របនឹងជើងហោះហើរអាកាសចរណ៍ស៊ីវិលរបស់ចិនជាច្រើនបានចុះចតនៅអាកាសយានដ្ឋានទីក្រុង Nanjing ខេត្ត Jiangsu និងអាកាសយានដ្ឋានអន្តរជាតិ Pudong ទីក្រុង Shanghai ជនល្មើសឆបោកតាមអនឡាញជនជាតិចិនចំនួន ២២៥៥ នាក់ទៀតមកពីតំបន់ Myawaddy របស់មីយ៉ាន់ម៉ាត្រូវបាននាំត្រឡប់ទៅប្រទេសចិនវិញដោយស្ថាប័នសន្តិសុខសាធារណៈចិនឆ្លងកាត់ប្រទេសថៃនាពេលថ្មីៗនេះ។ ចាប់ថ្ងៃទី ២០ ខែកុម្ភៈមក ប្រទេសចិន មីយ៉ាន់ម៉ា និងថៃបានចាប់ផ្តើមការងារធ្វើមាតុភូមិនិវត្តន៍ជនល្មើសឆបោកតាមអនឡាញនៅក្នុងតំបន់ Myawaddy របស់មីយ៉ាន់ម៉ា ជនល្មើសឆបោកតាមអនឡាញជនជាតិចិនសរុបចំនួន ២៨៧៦ នាក់ត្រូវបាននាំត្រឡប់ទៅប្រទេសចិនវិញ ៕