កម្មវិធីផ្លាស់ប្តូរ និងសិក្សាស្រាវជ្រាវនៃគម្រោងលើកកម្ពស់សមត្ថភាពវាយតម្លៃគម្រោងកិច្ចសហប្រតិបត្តិការឡានឆាង-មេគង្គ ធ្វើឡើងនៅតំបន់ក្វាងស៊ី

នាថ្ងៃទី ២០ ខែកុម្ភៈ ពិធីបើកវគ្គសិក្សានៃកម្មវិធីផ្លាស់ប្តូរ និងសិក្សាស្រាវជ្រាវនៃគម្រោងលើកកម្ពស់សមត្ថភាពវាយតម្លៃគម្រោងកិច្ចសហប្រតិបត្តិការឡានឆាង-មេគង្គ បានប្រារព្ធឡើងនៅក្នុងទីក្រុងណាននីងនៃតំបន់ស្វយ័តជនជាតិជួង ក្វាងស៊ី។ មន្ត្រីរដ្ឋាភិបាល និងអ្នកបច្ចកទេសសំខាន់ចំនួន ១៥ នាក់ ដែលមកពីប្រទេសមីយ៉ាន់ម៉ា កម្ពុជា និងឡាវ ត្រូវបានជ្រើសរើសជាសិក្ខាកាមសម្រាប់ចូលរួម "វគ្គបណ្តុះបណ្តាលអំពីការទទួលស្គាល់ហេដ្ឋារចនាសម្ព័ន្ធដែលទាក់ទិននឹងគុណភាព និងផលិតផល ដំណើរការ និងសេវាកម្មនៃស្ថាប័នវាយតម្លៃថ្នាក់ជាតិ" ដើម្បីអនុវត្តការផ្លាស់ប្តូរបច្ចេកទេស និងការសិក្សាស្រាវជ្រាវជាក់ស្តែង។ ព្រឹត្តិការណ៍នេះមានគោលបំណងនៃការជំរុញការតភ្ជាប់ហេដ្ឋារចនាសម្ព័ន្ធដែលទាក់ទិននឹងគុណភាពក្នុងតំបន់ និងលើកកម្ពស់កិច្ចសហប្រតិបត្តិការ និងការផ្លាស់ប្តូរក្នុងវិស័យវាយតម្លៃគម្រោងរវាងប្រទេសពាក់ព័ន្ធនានា។

ក្នុងអំឡុងសកម្មភាពផ្លាស់ប្តូរ និងសិក្សាស្រាវជ្រាវរយៈពេល ៨ ថ្ងៃ សិក្ខាកាមនឹងទៅទស្សនាស្ថាប័ន និងសហគ្រាសចំនួន ៩ ក្នុងទីក្រុងចំនួន ៣ នៃតំបន់ក្វាងស៊ី និងខេត្តក្វាងតុង ដើម្បីយល់ដឹងកាន់តែស៊ីជម្រៅអំពីប្រព័ន្ធវាយតម្លៃគម្រោង ប្រតិបត្តិការជាក់ស្តែង និងស្តង់ដារបច្ចេកទេសពាក់ព័ន្ធរបស់ប្រទេសចិន និងសិក្សាជាប្រព័ន្ធនូវបទពិសោធន៍ជាក់ស្តែងនៃការវាយតម្លៃ ស្ថានភាពប្រតិបត្តិការ និងស្តង់ដារបច្ចេកទេសពាក់ព័ន្ធ រៀនសូត្រជាប្រព័ន្ធនូវបទពិសោធន៍អនុវត្តក្នុងការលើកកម្ពស់គុណភាពផលិតផល និងជំរុញការធ្វើសាមញ្ញកម្មពាណិជ្ជកម្មជាដើម តាមរយៈប្រព័ន្ធវាយតម្លៃគម្រោង។ ជាមួយគ្នានេះ សិក្ខាកាមក៏នឹងធ្វើការផ្លាស់ប្តូរជាក់ស្តែងជាមួយអ្នកជំនាញ និងអ្នកតំណាងមកពីវិស័យពាក់ព័ន្ធនៃប្រទេសចិនលើប្រធានបទដូចជា របៀបនៃការលើកកម្ពស់សមត្ថភាពវាយតម្លៃថ្នាក់ជាតិរបស់ប្រទេសទន្លេឡានឆាង-មេគង្គ និងរួមគ្នាពិគ្រោះពិភាក្សាអំពីផ្លូវអភិវឌ្ឍន៍នាពេលអនាគតនៃវិស័យវាយតម្លៃគម្រោងក្នុងតំបន់ទន្លេឡានឆាង-មេគង្គ។

គម្រោងនេះបានប្រតិបត្តិតាមគំរូចម្រុះដែលមាន "ការបង្រៀនក្នុងប្រទេសមីយ៉ាន់ម៉ា + ដំណើរទស្សនកិច្ចនៅក្នុងប្រទេសចិន + ការពិភាក្សា និងការផ្លាស់ប្តូរគ្នា" ដើម្បីពង្រឹងបន្ថែមទៀតនូវមូលដ្ឋានគ្រឹះនៃការធ្វើកិច្ចសហប្រតិបត្តិការបច្ចេកទេសក្នុងវិស័យវាយតម្លៃគម្រោងនៅក្នុងប្រទេសពាក់ព័ន្ធ និងអាចចាក់បញ្ចូលនូវកម្លាំងចលករថ្មីក្នុងការលើកកម្ពស់ការតភ្ជាប់ហេដ្ឋារចនាសម្ព័ន្ធដែលទាក់ទិននឹងគុណភាពក្នុងតំបន់ឱ្យឈានដល់កម្រិតថ្មីមួយទៀត។