ថ្ងៃទី១៦ ខែមេសា រដ្ឋបាលជាតិស្ថិតិចិនបានចេញផ្សាយទិន្នន័យសេដ្ឋកិច្ចនៃប្រទេសចិនក្នុងត្រីមាសទីមួយឆ្នាំ២០២៤។
តាមការគណនានិងផ្ទៀងផ្ទាត់ជាបឋមបង្ហាញថា GDPរបស់ប្រទេសចិនក្នុងត្រីមាសទីមួយមានចំនួនលើសពី២៩.៦ទ្រីលានយាន់ប្រាក់ចិន បើគណនាតាមតម្លៃមិនប្រែប្រួល បានកើនឡើង៥.៣ភាគរយ បើប្រៀបធៀបនឹងរយៈពេលដូចគ្នានៃឆ្នាំ២០២៣ និងកើនឡើង១.៦ភាគរយបើប្រៀបធៀបនឹងត្រីមាសទី៤នៃឆ្នាំ២០២៣។
តាមទិន្នន័យបង្ហាញថា ប្រាក់ចំណូលរបស់ប្រជាជនមានការកើនឡើងជាលំដាប់ហើយកំណើននៃប្រាក់ចំណូលរបស់អ្នកជនបទលឿនជាងកំណើននៃប្រាក់ចំណូលរបស់អ្នករស់នៅទីក្រុង។ ក្នុងត្រីមាសទី១ ប្រាក់ចំណូលដែលអាចប្រើប្រាស់ជាមធ្យមរបស់ប្រជាជនទូទាំងប្រទេសចិន គឺ១១៥៣៩យាន់ប្រាក់ចិន បានកើនឡើង៦.២ភាគរយ បើប្រៀបធៀបនឹងរយៈពេលដូចគ្នានៃឆ្នាំ២០២៣។ ប្រាក់ចំណូលដែលអាចប្រើប្រាស់ជាមធ្យមរបស់អ្នកជនបទមានចំនួន៦៥៩៦យាន់ប្រាក់ចិន ដែលកើនឡើង៧.៧ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៣៕