ការប្រកួតកីឡាអាស៊ីលើកទី ១៩ បានបើកធ្វើនៅក្រុង Hangzhou ប្រទេសចិន

    ថ្ងៃទី ២៣ ខែកញ្ញា ការប្រកួតកីឡាអាស៊ីលើកទី ១៩ បានបើកធ្វើនៅក្រុង Hangzhou ខេត្ត Zhejiang ភាគខាងកើតប្រទេសចិន។ ក្នុងរយៈពេលប្រកួត ១៥ ថ្ងៃ អត្តពលិកចំនួនជាង ១.២ ម៉ឺននាក់ដែលមកពីតំបន់អាស៊ី នឹងដណ្តើមេដាយមាសចំនួន ៤៨១ នៅកីឡដ្ឋានចំនួន ៥៦ ដែលស្ថិតនៅក្រុងហាងចូវ និងទីក្រុងសហការរៀបចំការប្រកួតកីឡាអាស៊ីចំនួន ៥ មានជាអាទិ៍៖ ក្រុង Ningbo ក្រុងWenzhou ក្រុង  Huzhou ក្រុង Shaoxing និងក្រុង Jinhua។

     លោក Sha Xiaolan នាយកអ្នកដឹនាំរឿងនៃពិធីបើកនិងបិទការប្រកួតកីឡាអាស៊ីក្រុង Hangzhou បានណែនាំឱ្យដឹងថា ពិធីបើកធ្វើឡើងក្រោមប្រធានបទ"ចរន្តនៃទ្វីបអាស៊ី” ដែលបំផុសគំនិតពីវប្បធម៌ប្រពៃណីចិន ព្រមទាំងរួមបញ្ចូលនិមិត្តសញ្ញានិងទិដ្ឋភាពដែលតំណាងឱ្យខេត្ត Zhejiang និងក្រុង Hangzhou  ប្រើប្រាស់បច្ចេកវិទ្យាទំនើបដើម្បីបង្ហាញពីភាពទាក់ទាញដ៏វិសេសវិសាលនៃវិចិត្រសាស្រ្តទិសបូព៌ា។ កត្តទឹកបានតភ្ជាប់ការបង្ហាញមុខរបស់អត្តពលិកនិងការម្តែងនានា ឆ្លងតាមរយៈប្រធានបទ"ចរន្តនៃទ្វីបអាស៊ី" ដើម្បីបង្ហាញពីការរួមបញ្ចូលគ្នាខាងវប្បធម៌រវាងចិននិងអាស៊ី ចិននិងពិភពលោកក្នុងយុគសម័យថ្មី។

      ការប្រកួតកីឡាអាស៊ីលើកនេះមានការចុះឈ្មោះចូលរួមពីសមាជិកចំនួន ៤៥ នៃក្រុមប្រឹក្សាអូឡាំពិកអាស៊ី ប្រទេសនិងតំបន់ជាច្រើនបានចាត់បញ្ជូនគណប្រតិភូដែលមានទ្រង់ទ្រង់ធំបំផុតក្នុងប្រវត្តិសាស្ត្រ។ មិនថាចំនួនចុះឈ្មោះរបស់អត្តពលិកដែលមានចំនួនជាង ១.២ ម៉ឺននាក់ ឬចំនួនវិញ្ញាសាប្រកួត សុទ្ធតែបំបែកកំណត់ត្រាថ្មី៕