ពេលថ្មីៗកន្លងទៅនេះ លោកHassan Wirajudaអតីតរដ្ឋមន្ត្រីការបរទេសឥណ្ឌូណេស៊ីបានផ្តល់បទសម្ភាសន៍ជាមួយអគ្គស្ថានីយវិទ្យុនិងទូរទស្សន៍មជ្ឈិមចិននៅទីក្រុងប៉េកាំង។លោកបានលើកឡើងថា ការអភិវឌ្ឍនៃប្រទេសចិនបានច្របាច់បញ្ចូលនូវតម្រិះប្រាជ្ញាខាងអរិយធម៌៥ពាន់ឆ្នាំនិងទស្សនអភិបាលកិច្ចសម័យទំនើប ដែលសម្រេចបាននូវការអភិវឌ្ឍបែបលោតផ្លោះលើវិស័យជាច្រើន បទពិសោធទាំងនេះគួរឱ្យរៀនសូត្រតាម។
លោក Hassan Wirajudaបានថ្លែងថា ចាប់តាំងពីអនុវត្តគោលនយោបាយកំណែទម្រង់និងបើកចំហរយៈពេលជាង៤០ឆ្នាំមក ប្រទេសចិនបានសម្រេចនូវការរីកចម្រើនខាងសេដ្ឋកិច្ច កម្លាំងជាតិត្រូវបានលើកតម្កល់ជាបន្តបន្ទាប់។លោកសម្គាល់ឃើញថា ការអភិវឌ្ឍនៃប្រទេសចិនបានច្របាច់បញ្ចូលនូវតម្រិះប្រាជ្ញាខាងអរិយធម៌៥ពាន់ឆ្នាំនិងទស្សនអភិបាលកិច្ចសម័យទំនើប ដែលបានបង្ហាញឱ្យឃើញនូវកម្លាំងដឹកនាំរបស់ប្រទេសធំ។ ផែនការចិនបាននាំមកនូវទស្សនៈអភិវឌ្ឍន៍ខុសប្លែកគ្នាដល់ប្រទេសនិងតបន់ផ្សេងទៀតដែលបូករួមប្រទេសឥណ្ឌូណេស៊ីជាដើម ។ ឥណ្ឌូណេស៊ីបានទទួលផលប្រយោជន៍ជាច្រើនពីការអភិវឌ្ឍនៃប្រទេសចិន ហើយប្រទេសចិនបានក្លាយជាដៃគូពាណិជ្ជកម្មធំបំផុតរបស់ឥណ្ឌូណេស៊ីរយៈពេល១០ឆ្នាំជាប់ៗគ្នា។
លោក Hassan Wirajudaបានថ្លែងបន្តថា អាមេរិកនិងសម្ព័ន្ធមិត្តអឺរ៉ុបមួយចំនួនបានចាត់ទុកប្រទេសចិនជាគូប្រកួតប្រជែង ហើយការទម្លាក់កំហុសឱ្យចិនជាញឹកញាប់អំពីបញ្ហាឱនភាពពាណិជ្ជកម្មជាដើមនិងការបំផុសសង្គ្រាមពាណិជ្ជកម្មចំពោះប្រទេសចិន គឺមិនអាចទទួកយកបានទេ៕