ប្រធានបទនៃកិច្ចប្រជុំប្រចាំឆ្នាំ២០២៣ នៃវេទិការBoao សម្រាប់អាស៊ី គឺ “ពិភពលោកដែលគ្មានភាពប្រាកដប្រជា៖ សាមគ្គីភាពនិងកិច្ចសហប្រតិបត្តិការដើម្បីឆ្លើយតបនឹងការប្រឈម បើកទូលាយនិងបរិយាប័ន្នដើម្បីជំរុញការអភិវឌ្ឍ” ដែលបានបង្ហាញពីសំឡេងរួមចេញពីដួងចិត្តរបស់សហគមន៍អន្តរជាតិ ដែលចង់បានសន្តិភាព ស្វែងរកកិច្ចសហប្រតិបត្តិការ និងរួមគ្នាជំរុញការអភិវឌ្ឍ។ ខ្លឹមសារមានដូចជាឥទ្ធិពលសេដ្ឋកិច្ចចិនចំពោះការអភិវឌ្ឍសេដ្ឋកិច្ចពិភពលោក បទអត្ថធិប្បាយស្តីពីគំនិតផ្តួចផ្តើមសន្តិសុខជាសកលរបស់ប្រទេសចិនជាដើម បានត្រូវវាគ្មិនអន្តរជាតិជាច្រើនកោតសរសើរនិងយកចិត្តទុកដាក់យ៉ាងខ្លាំង ។
លោក សាស្ត្រាចារ្យវិទ្យាស្ថានពាណិជ្ជកម្មBIប្រទេសន័រវេស បានថ្លែងថា ៖ ប៉ុន្មានឆ្នាំកន្លងមក ប្រទេសចិនកាន់តែយកចិត្តទុកដាក់លើការអភិវឌ្ឍបៃតងនៃគំនិតផ្តួចផ្តើម “ខ្សែក្រវាត់និងផ្លូវ” ឧទាហរណ៍បានជួយហ្វីលីពីននិងថៃក្នុងវិស័យថាមពលបៃតង បានជួយទ្វីបអាហ្វ្រិកកសាងរទេះភ្លើងក្រោមដីជាដើម។ ប្រទេសចិនមិនគ្រាន់តែផ្តោតសំខាន់លើការអភិវឌ្ឍរបស់ខ្លួនតែប៉ុណ្ណោះទេ ថែមទាំងបានខិតខំជួយប្រទេសដទៃលើលោកក្នុងការអភិវឌ្ឍផង ដែលនេះជារឿងលើកទឹកចិត្តដល់អ្នកផងទាំងពួង។
កាលពីខែកុម្ភៈឆ្នាំ២០២៣ ប្រទេសចិនបានប្រកាស«ឯកសារគំនិតនៃគំនិតផ្តួចផ្តើមសន្តិសុខជាសកល»។ លោកប្រធានមូលនិធិស្វីស-សាធារណៈរដ្ឋអាហ្វ្រិកកណ្តាលបានលើកឡើងថា នេះជាគំនិតផ្តួចផ្តើមសំខាន់ខ្លាំងមួយ យើងទាំងអស់គ្នាសុទ្ធតែចង់បានពិភពលោកមានស្ថិរភាពមួយ ។ ខ្ញុំយល់ឃើញថាប្រទេសចិនបានចាត់វិធានការដ៏វិជ្ជមានបំផុត៕